Kurset er kun på grønlandsk.
Qaqortoq 7. – 9. januar 2025
(pikkorissarneq kalaallisut ingerlanneqassooq)
(Kingusinnerpaamik nalunaarfissaq 20. december 2024)
Pikkorissarnermi inuttut nukittorsarneq siunniussaqarsinnaanerlu eqqissillutit sammisinnaaneranut periarfissinneqassuutit, makku sammineqassapput:
Pissarsiassatit:
- Attaveqatigiinneq pitsaasoq, suliffimmi angerlarsimaffimmilu
- Inuup tunngaviusumik pisariaqartitai, timikkut tarnikkullu
- Inuttut inerikkiartorneq, nukittuffiit sanngiiffiillu
- Immineq aningaasaqarneq (privatøkonomi)
Peqataasussat
Pikkorissarnermi peqataasussatut naatsorsuutigineqartut tassaapput suliffissarsiortut, ilinniagallit ilinniagaqanngitsullu. Peqataaniartut Qaqortumi najugaqassapput..
Pikkorissaanermi piffissaq sumiiffissarlu
Pikkorissaaneq Hotel Qaqortumi ingerlanneqassooq 7. – 9. januar 2025 nal. 9.00 – 15.30.
Peqataaniarnermi nalunaarfissaq kingullerpaaq
- december 2024 nittartagarput www.cak.gl aqqutigalugu imaluunniit Majoriaq Qaqortoq aqqutigalgu.
Pikkorissarnermi ajunngitsorsiassat (kursusgodtgørelse)
Peqataasut ilinniagaqanngitsut pikkorissarnermi ajunngitsorsisinnaapput.
Peqataasut ilinniagallit peqataasinnaapput akeqanngitsumik, taakkuli ajunngitsorsiassaqanngillat.
Sulisitsisut / peqataasut suliffillit
Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.
Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.
Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.
Majoriaq / peqataasut suliffeqanngitsut, aalisartut/piniartut
Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.
Ajunngitsorsiassat ullut 14-ikkaarluni akissarsititsinermi ilaapput.
Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.
Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.
Nammineq inuussutissarsiortut
Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.
Ajunngitsorsiassat tunniunneqassapput pikkorissarneq naammassippat – naatsorsuutigineqassooq ullut arlallit utaqqilaartariaqarnissaq.
Ajunngitsorsiassap annertussusaa:
Januar 2024-imiit atuutilersut:Ullormut 718 kr.