DanishGreenlandic



Slide background

Serviceøkonom – Takornariartitsinermi

2007 aasaaga CAK-p ilinniartitaaneq nutaaq aallartippaa, tassa ilinniagaq naatsoq takornariaqartitsinermut tunngasoq aallartippoq: Serviceøkonom (KVU) Tourism Management.

Serviceøkonom tassaavoq qaffasinnerusumik ilinniagaq naatsoq. Ukiut marluk aappaalu ingerlanneqarpoq, Kalaallit Nunaannilu taamaallaat Qaqortumi Niuernermik Ilinniarfimmi ilinniarneqarsinnaalluni. Ilinniarnerullu taassuma siusinnerusukkut ilinniarneqarsinnaasup EVU-p ingeriartortinneratigutineriartortinneratigut pilersinneqarluni.

Atuartitsissutit:

Ilinniarneq atuartitsissutinik siammasissunik aammalu immikkut sammivilinnik imaqarpoq. Atuartitsissutit siamasinnerusut atuakkersornermut tunngasunik ilisimasanik ilikkagaqarfiusarput. Ilaatigut tassaapput nunarsuarmioqataanermi attaveqaqatigiinneq, suliffeqarfiit aaqqissuussaanerat aqunneqarnerallu, suliffeqarfiit periarfissarsiortarnerat tuninisaqarniarlutik iliuuseqartarnerat, sullissinermut tunngatillugu aningaasaqarneq, suliffeqarfik, nunarsuaq avataaniittoq kiisalu qarasaasiaq atorlugu paasissutissanik siuartiterinerit.

Atuartitsissutit immikkut sammivillit tassaapput:

Takornariaqartitsineq angalaarnermilu oqaatsit pillugit ilisarititsineq:

Takornariaqartitsinerup ineriartorsimanerani, tuniniaanermut tunngatillugu takornariaqarneq sunaanersoq, takornariaqartitsinermullu tunngatillugu kattuffiit kiisalu takornariaqartitsinerup inuiaqatigiinnut sunniutai aaqqissuussaaneralu pillugit annerusumik paasinninnissannut taakku sakkussannik ilisimatilissavaatit.

Takornariaqartitsinermi piffissani assigiinngitsuni takornariariaatsit

Takornarianik qanoq sullissinissamut, inniminniinenut – siaruarterinernullu aaqqissueriaatsit, inatsinut, avatangiisinut illersuilluni ingerlatsinermut uppernarsaatit init pequtilersorneri kiisalu sillimaniarneq pillugit ilisimasaqarnerulersissavaatit.

Takornariaqartitsineq pillugu inatsisilerineq

Takornariaqartitsinermut tunngatillugu inatsisit pillugit sammisaqarneq.

Takornariaqartitsineq pillugu pilersaarusiorneq paasissutissanillu nalilersuineq pillugu sammisaqarneq

Takornariaqartitsinermut tunngatillugu ineriartortitsinermi pisortat inissisimanerat, takornariaqariaatsit assigiinntsut, takornariaqarnerullu sumiiffimmi pingaaruteqarnera pillugit sammisaqarneq.

Piujuaannaartitsinissaq

Takornariaqartitsinermut tunngatillugu pilersaarusiornermi taaguutit piujuaannartitsinermut tunngasut atornerqarnerisa qanoq pingaaruteqartigineri pillugit sammisaqarneq.

Nittarsaaneq nutaaliornerlu

Nittarsaanermi aqqutissat suliniutillu pillugit suliaqarsinnaanermut misissueqqissaarsinnaanermullu aammaaamma takornariaqartitsinermi tunisassianik nutaanik atortussanillu nutaanik ineriartortisinnaanermut sakkussannik suliaqarsinnaanngorsassavaatit.

Taakku avataatigut atuartitsissutinik allanik qinigassaqassaaq, aamma tigussaanerusunik suliassaqartoqarsinnaavoq, soorlu takornarianut angallassinerit, angalatitsinissamut aaqqissuussinerit il. il. Atuartitsissutini qinigassat massakkut ukuupput: issittumi ikiueqqaarneq, VHF-radio pillugu pikkorissarneq aammalu inniminniisarneq.

Nammineerlutit eqimattanilu sulinermi isumassarsiullaqqinneq akisussaaffeqarlutillu sulinissat ilinniassavat, taamaalillutit siunissami suliffigiumaagassanni piumasaqaatit pillugit misiliissallutit.

Takornarianut tunngasumik suliffeqarfimmi sulinermik misiliineq

Ilinniarnerup nalaani marloriarlutit suliffimmik misiliissaatit. Piffissami juunimiit septemberi ilanngullugu suliffimmik misiliineq inissisimasuuaannarpoq. Sapaatip akunnerani arfineq pingasuni aasaq siulleq suliffimmik misiliissaatit, aasallu tulliani sapaatip akunneri 12-it. Suliffimmik misiliiffigisinnaasatit nammineq ujartussavatit, allatut oqaatigalugu silarsuaq ilinnut ammavoq. Suliffimmik misiliiffissannik nassaarsinnaanngikkuit, soorunami ikiussavatsigit.

Ilinniartuutigut ukunani suliffimmik misiliinikuupput:

  • Destination Disko, (nu Destination Avannaa: www.northgreenland.com)
  • Grønlands Turist- og Erhvervsråd: (www.greenland.com)
  • Greenland Tours, Ilulissat: (www.greenlandtours.gl)
  • Tasermiut South Greenland Expeditions: (www.tasermiutgreenland.com)
  • World of Greenland, Ilulissat: (www.worldofgreenland.com)
  • Greenland Sagalands, Qaqortoq: (www.qaq.gl)
  • M/S Fram (krydstogtskib): (www.hurtigruten.com)
  • World of Greenland, Sis. / Kang.: (www.wogac.com)
  • Tourist Nature, Ilulissat: (www.ilulissattn.com)
  • Nuuk Tourism: (www.nuuk-tourism.gl)
  • Hotel Arctic
  • Arctic Adventure ApS
  • Trackers AB (Sverige)
  • Hotel Qaqortoq
  • Siniffik Inn, Qaqortoq

Ilinniarneq aallartereersoq aatsaat suliffimmik misiliiffissamik ujaasissaatit.

Siunissaq, atorfik atorfimmilu qaffakkiartorneq

Takornariaqartitsinermik inuussutissaqarnissaq tassaavoq, inuussutissarsiuteqarneq siunissami nunatsinni aallunneqartussatut siunnerfigineqartoq. Taamaalilluni atorfinnik periarfissat takornariaqartitsinermut tunngasut amerlinissai ilimanarpoq. Ingammik ilimanarpoq angallasseqatigiiffiit takornariaqartitsinermik suliaqartut, ataatsimeersuartarfiit unnuisarfiillu kiisalu takornariaqartitisinermut tunngasunik suliaqarfiusuni pisortat allaffianni atorfinissinnaaneq ilimanarsinnaavoq. Takornariaqartitsinermut tunngaqqissaartunik suliaqarusunngikkuit, tassunga assingusinnaasuni soorlu nittarsaanermik suliaqarfinni, pilersaarusiornermik suliaqarfinni, aaqqissuussaaneq aqutsinerlu pillugit suliaqarfinni sulilernissannut periarfissaqassaaq. Kalaallit Nunaanni tamani taammatut piginnaasalinnik ilinniarnikunillu atorfissaqartitsisoqartuaannarmat. Niuernermik Ilinniarfinni TNI-mut tunngatillugu ilinniartitsisutut sulilersinnaaninnut aamma periarfissaqarputit. Kingullertut eqqaaneqarsinnavoq Service Økonomitut ilinniarsimaguit nammineq suliffittaarnissannut pitsaasumik toqqammavissaqassagavit, tassanimi aningaasanut aqutsineq naatsorsuuserinerlu ilinniarneqartarmata.

Pinngitsoorani atuariartornissaq

Skema malillugu atuartitsinermi piffissaliussat pinngitsooratik peqaaffigineqartassapput. Atuarnerup nalaani peqataalluarnissaq pisariaqarpoq, qaffasissuseq annertummat. Atuanngitsoorneq pillugu malittarisassat ajorisassaanngillat – naapertuilluarnerlu tunngavigalugu malinneqartussaallutik!. Atuanngitsoorneq ataatsimut naatsosorlugu 14,99 % atuanngitsoorsinnaaneq inatsisitigut akuerisaavoq. Ilaannikkut napparsimasoqartarneq atuanngitsoornermik kinguneqarsinnaasoq taamatut naatsorsuinermut inatsisitigullu akuerineqarsinnaaneranut pissutaavoq. Inatsisitigut akuerineqarluni atuanngitsoorsinnaaneq missingersorlugu qaammammut ullunut marlunnut naatsorsorneqartarpoq. Napparsimagaanni, ullaakkut inortuigaanni piaraalunilu atuanngitsooraanni, atuanngitsoornermi katillugu 15 % qaangerneqariaannaasarpoq. Atuanngitsoorpallaartarsimagaanni, siullermik oqaatitsigut mianersoqqussummik tunniussisoqassaaq, kingusinnerusukkullu allakkatigut mianersoqqussummik tunniusisoqassalluni. Marlunnik allakkatigut miannersoqqussutinik tigusaqartut anisitaanissaannik innersuunneqartarput.

”Inatsisit unioqqutinnagit” atuanngitsoorneq?

Takornariaqartitsinermik sullissinermi inatsisit unioqqutinnagit atuanngitsoortoqarsinnaanngilaq.

Atuanngitsoornerit tamarmik nalunaarsorneqartussaapput. Toqusoqarsimatillugu, imaluunniit ilaquttat iluanni (qatanngutit, angajoqqaat, aataakkut/ittukkut-aanaakkut/ningiukkut toqusoqarsimatillugu atuanngitsoortoqarsinnaavorli akuerineqarluni. Ilaquttani qanitani (qatanngutit, angajoqqaat, aataakkut/ittukkut-aanaakkut/ningiukkut toqusoqartillugu imaluunniit toqulersoqarpat akiliunneqarlutit ornissinnaavatit. Peqqinnissaqarfimmiit assigisaanilluunniit susoqarnera pillugu uppernarsaateqarnissat tassani piumasarineqarpoq.

Atuanngiffimi akiliunneqarluni angalasarnerit

Sinerissami najugaqaruit ukiumut ataasiaq akiliunneqarlutit angalasinnaavutit. Ukioq siulleq ilinniarninni aasakkut taamaallaat akiliunneqarlutit angalasinnaavutit – Ukioq siulleq juullip nalaani angalanerit nammineq akilissavatit. Ukiup aappaani angalanissat juullip nalaani atuanngiffimmi imaluunniit aasakkut atuanngiffimmi atorusunnerlugu nammineq aalajanngissavat. Sumiiffimmi aggerfinni suliffimmik misiliiniaruit aasaanerani atuanngiffeqarfiup nalaani sulinngiffeqarninni angerlamut akiliunneqarnissat

Ilinniagaqarnersiutit – qiortagarlu

Ilinniagaqarnersiutit anissusaanut 18-nik inorlugit imaluunniit 18-nit sinnerlugit ukioqarneq apeqqutaatinneqartarpoq. Ilinniartut najugaqarfianni ineqaruit qaammammut 850 kr. akiliisassaatit. Aapparisat ilinniartut ineqarfianni ineqatigigukku aamma akeqarpoq. Madmor-ilimmi ilinniartut ineqarfianni najugaqaruit aamma akeqarpoq. Ilinniagaqarnersiutit kingumut akilerneqartarneri eqqaamallugit – tassa imaappoq, aggustip aallaqqaataani ilinniartoq ilinniakkaminik aallartitsisoq, aatsaat aggustip naanerani ilinniarnersiutinik pissaaq. Ilinniagaqarnersiutit pillugit annertunerusumik nittartagami www.usf.gl paasisaqarsinnaavutit. Ilinniartut ineqarfiisa akii paasisaqarfigerusukkukkit ilinniartut ineqarfiinik nakkutilliisoq saaffigiuk.

Qiortaasarneq pillugu aaqqissuussineq tassaavoq qaffasinnerusumi ilinniartunut qanoq sivisutigisumik taperneqarsinnaanerinut sinaakutissiaq. Ilinniartoq ataaseq annerpaamik 82-eriarluni ilinniarnermi nalaani qiortinneqarsinnaavoq. Qiorneq ataaseq qaammammik ataatsimik naleqarpoq. Takornariaqarnermik sullissinermi ilinniarneq 27-eriarluni qiorneqarsinnaasumik sivisussuseqarpoq. Tassanilu ilinniarneq naammassigukku, suli qiornernik 55 sinneqassaatit, taakkulu suli ukiunik sisamanik affarmillu qaffasinnerusuni ilinniarsinnaanermik sivisusseqarput. Suliffimmik misiliinippit nalaani aningaasarsisaruit, qiornerit qaffasinnerusumut ilinniaqqinnissannut sipaarsinnaavatit. Qiorsisarneq pillugu annertunerusumik www.usf.gl paasisaqarsinnaavutit.

Ilinniaqqinniaruit

Takornariaqartitsinermik sullissinneq pillugu soraarummeernermut allagataqaruit, ilinniaqqinnissannut periarfissagissaassaatit. Nunani allani takornariaqarneq pillugu Bachelorinngorniarlutit ilinniaqqissinnaavutit, imaluunniit Det Danske Erhvervsakademi-mi HA sullissinermut aqutsineq pillugu ilinniaqqissinnaavutit.

Ilinniarnissamut piumasaqaatit

Takornariaqartitsinermi sullissineq pillugu ilinniartunngorniaruit GU-miit, HHX-miit, HTX-miit, Stx-miit imaluunniit ilinniarnertuunngorniarfiit nutaamik aaqqissuusseqqinneranniit ilinniarnertuutut allagataqartariaqarputit. inuussutissarsiuni ilinniarfimmi naammassisimaguit, soorlu TNI, saqisoq, igasoq, saaffiginnittarfimmi sulisoq, takornariartitsinermi ikiorti allaluunniit aamma Ilinniartunngorsinnaavutit. Allarluinnarmik tunuliaquteqaruit akueritinnissannut immikkut qinnuteqarsinnaavutit.

Matematikimi imaluunniit inuussutissarsiornermi aningaasanik aqutsinermi C-mik karaktereqarnissat immikkut piumasaqaataapput. Atuartitsissutini taakkunani C-mik karaktereqanngikkuit, atuarnerit aallartikkukku inuussutissarsiornermi aqutsineq C-mik qaffasissusilik pillugu atuartitsissut atuarneqarsinnaavoq. Soraarummeeruit atuartitsissummi tassani angusisariaqarputit, atuarnerit tamaat ingerlanniarukku. Ilinniartunngorusukkaluarlutit piumasaqaatinik naammassinninnerlutit nalorngiguit attavigisinnaavatsigut.

Misilitsinerit soraarummeernerillu Semesterimi siullermi uku misilitsissutigineqartarput:

  • Takornariaqartitsinermut tunngasunik ilisimasaqarneq pillugu projekt
  • Aningaasaqarneq pillugu misilitsinneq
  • Misiliummik pilersaarut (eqimattakkaarluni projektilerineq)

Semesterit aappaani uku misilitsissutigineqartarput:

  • Atuartitsissutit akimorlugit projektilerineq
  • Aningaasaqarneq pillugu misilitsinneq
  • Atuartitsissutit akimorlugit piviusumik tunngaveqarluni projektimi soraarummeerneq (karakteri)
  • Inatsisilerinermi oqaluttariarsorluni aamma sullissinermi aqutsineri misilitsinneq (karakteri)

Semesterit pingajuani uku misilitsissutigineqartarput:

  • Suliffimmik misiliinermi projekti
  • Tuluttut misilitsinneq

Semesterit sisamaanni uku misilitsissutigineqartarput:

  • Suleriaaseq pillugu pilersaarut
  • Aningaasaqarneq pillugu misilitsinneq
  • Takornariaqartitsineq pillugu immikkut allaaserisaq (karakteri)

Semesterit tallimaani uku misilitsissutigineqassapput:

  • Pingaarnertut allaaserisaq (karakteri)

Misilitsinnerit soraarummeernerillu tamarmik angusiffiussapput, ilinniarneq naammassiniaraanni. Misilitsinnerni soraarummeernernilu pingasoriarlutit misilitsinnissannut periarfissaqarputit. Misilitsinnerit soraarummeernerillu tamaasa angusiffigisinnaanngikkukkit ilinniarfimmiit anisitaassaatit. Ilinniarnerup naleqqussartuarnera pissutigalugu misilitsinnerit amerlassusaat imaallu ukiumiit ukiumut allanngorarsinnaanerat ilisimatitsissutigissavarput.