Ilinniartut ineqarfii

Attaveqarfissat

Email:cak.kollegiet@cak.gl / cak@cak.gl. Oqarasuaat: 64 78 56.

Ilinniartut ineqarfii pillugit

Angerlarsimaffiit Qaqortumiinngippat illit ilinniartutut atuarfiit ilaanni ineqarfiini, taamaallaat qaqorutit puuillu allarutinillu nammineq nassartusaapput.

Ilinniartut ineqarfianni inissamik tunineqarnissamut qinnuteqaat aajuk

Eqqaamasassat kollegienut qinnuteqarnermi

• Ilinniarfissamik akuersissut/akuerisaagallarneq
• Historisk bopælsattest
• Meeraqaraannilu meerarisaq nassarsinnaaneranut uppernarsaat
• Kollegienut akiitsoqannginnermik uppernarsaat

Eqqaamajuk ineqateqarniarnermi nalunaarutigissagaku

Ilinniartut ineqarfii assigiinngitsut marluupput. Nerisaqarfiutigaluni ineqarfiusoq aamma (Illoqarfik) imminut pilersorluni ineqarfiit.

Ilinniartut ineqarfii amerlanerpaartaat atuarfiup qanittuani inissisimapput. Ilinniartut ineqarfianni ilinniartut allat najugaqatigissavatit. Nammineq ineqassaatit allamilluunniit ineqateqarlutit. Ataatsimoorussanik uffarfeqarlunilu igaffeqarpoq.

Sivikinnerusumik sivisunerusumilluunniit ilinniartut ineqarfiutitsinni najugaqartussaaguit ilinniarninni pikkorissarninniluunniit ilinniartut ineqarfiat inuuninnut ilaasorujussuussaaq.

Inuit siornatigut ilisarisimanngisatit qanimut najugaqatigisussaavatit matumanilu kikkut tamarmik imminnut eqqarsaatiginissaat pisariaqartinneqarpoq.

Sunngiffimmi sammisassat

Sukisaartarfeqarpoq

Sapaatip akunneranut marloriaq timersortarfik attartortarparput.

Matuersaatinik katatsisimanermi

Ammaatsinneq 200 kr. Apeqqutaalluni sumi najugaqarnerluni.

Matuersaamik nutaamik pisaarneq 200 kr.

Matuersaamik nutaamik pisaarneq 500 kr. ( Iloq )

Allakkanut nakkartitsivimmut matuersaat nutaamik matuersaat 500kr.

Sillimmasiineq

Tillittoqarneratigut, ikuallannermi ajutoortoqarneratigut namminerluunniit pigisanut ilinniarfik matussusiisinnaanngilaq. Ilinniartuuninni angajoqqaavit sillimmataannit matussuserneqarsinnaanerlutit misissoruk imaluunniit sillimmasiisarfik attavigiuk.

Ilinniartut ineqarfiini sulisunut attaveqarneq

Atuarfitsinni atuartuugaanni piumasaqaateqarpoq.

Atuarfimmi suliassannut nukissaqarnissannik katersuinissat pisariaqarpoq. Taamaattumik ilinniartut ineqarfiat eqqissisimaarfiussaaq, nuannisarsinnaalluni, eqqissisimaarsinnaalluni isumagissaarsinnaallunilu. Tamanna eqquutsinniarlugu ilinniartut ineqarfiini pisortaqarpugut, ilinniartut ineqarfiini perorsaasoqarpugut, pedeleqarpugut, ilinniartullu ineqarfiinut ulluinnarni attaveqartunik allanik sulisoqarluta. Ulloq unnuarlu ilinniartut ineqarfiini pigaartuusoqarpoq. Ilinniartut ineqarfiini pigaartuusut oqarasuaataat: 49 44 99.

Ilinniartut ineqarfiini malittarisassat

Ilinniartut ineqarfiini najugaqaruit ilinniartut ineqarfiinut atuuttut malittarisassat malinnissaannut pisussaatitaavutit, malinninngikkuit anisitaasinnaagavit. Taamatut pisoqartillugu ilinniartut ineqarfianni allami inissamik tunisisoqarsinnaanngilaq.

Pineqartut makku ingerlaannartumik atuutilersumik anisitaanermik nassataqarput

• Ikinngutinut sulisunulluunniit nakuuserneq nakuuserfiginninnissamilluunniit sioorasaarineq
• Ilinniartut ineqarfianni ikiaroornartuuteqarneq, tuniniaaneq imaluunniit atuineq. (Tamakkuninnga nakorsaatitut atuineq isiginiarneqarneq ajorpoq)
• Tillinniarneq aserortererujussuarnerlu
• Imigassartorneq, inigisamik

Pineqartut makku mianersoqqussummik aappassaaneerneranilu anisitaanermik nassataqarput

• Pineqartut makku mianersoqqussummik aappassaaneerneranilu anisitaanermik nassataqarput
• Imigassartorneq, tamanna najugaqartunut allanut sulisunullu akornutaappat
• Ineeqqami / ilinniartut ineqarfianni aallaasinik uninngatitaqarneq
• Uumasuuteqarneq – qimmit, qitsuit allallu
• Illumi malittarisassanik malinninnginneq. Assersuutigalugu ataatsimiinnerni torersaanerniluunniit peqataanngikkaanni

Aalajangersakkat nalinginnaasut

• Nipituumik nipilersorneq najugalinnut allanut akornutaassanngilaq ulluinnarnilu, tassa imaappoq sapaat – sisamanngorneq ilanngullugu kingusinnerpaamik nal. 22.30 eqqissisimaartoqalissaaq. Meeqqat nal. 20.30-miit eqqissisimaartinneqalissapput. Tallimanngornermi arfininngornermilu ineeqqani nal. 01.00-miit eqqissisimaartoqalissaaq
• Pulaartut arlaannaatigulluunniit najugalinnut akornutaassanngillat, ilinniartullu ineqarfiat kingusinnerpaamik nal. 22.30 qimariissallugu
• Ilinniarfimmiinnermi najugallit tamarmik ulluni 14-ini tikeraartoqarsinnaatitaapput. Tikeraartoqassagaanni tamanna ilinniartut ineqarfiinut allaffeqarfinnut nalunaarutigineqassaaq
• Siumoortumik isumaqatigiissuteqareersimagaanni tikeraatut ilinniartut ineqarfiini unnuisinnaapput
• Ilinniartut ineqarfianni ineeqqani ininilu ataatsimoorfiusuni pujortartoqassanngilaq

Ilinniartut ineqarfiini malittarisassanik unioqqutitsineq kinguneqartarpoq

• Oqaatsitigut mianersoqqusineq
• Allakkatigut mianersoqqusineq
• Anisitaaneq

Malittarisassat

Campus Kujallermi ilinniartut ineqarfii atuartunut 18-it inorlugit ukiulinnut immikkut ittunik malittarisassaqarput, taamaasilluta atuartut taakkua pitsaanerpaamik paarilluarsinnaassavagut:

Atuartunut 18-it inorlugit ukiulinnut malittarisassat aakkit (immikkut ammassaaq)

Ilinniartut ineqarfiini tamani unnuit tamaasa sapaammiit sisamanngorneq ilanngullugu kingusinnerpaamik nal. 23-miit nipaarsaarfinngortassaaq. Tallimanngornermi arfininngornermilu kingusinnerpaamik nal. 01-imiit eqqissisimaartoqartassaaq

Ilinniartut ineqarfiini pisortaq/perorsaasoq malittarisassanik eqquutsitsinissamut ikiuutaassapput, ilinniartullu ineqarfiini eqqissisimasoqarnissaanik isumaginnittuussallutik.