Ilinniartut ineqarfii
Attaveqarfissat
Email:cak.kollegiet@cak.gl / cak@cak.gl. Oqarasuaat: 64 13 00 / 64 44 00.
Ilinniartut ineqarfii pillugit
Angerlarsimaffiit Qaqortumiinngippat illit ilinniartutut atuarfiit ilaanni ineqarfiini, atortut pisariaqartut tamaasa ilanngullugit inissannik tunisissaatit.
Ilinniartut ineqarfianni inissamik tunineqarnissamut qinnuteqaat aajuk (immikkut ammassaaq)
Ilinniartut ineqarfii assigiinngitsut marluupput. Nerisaqarfiutigaluni ineqarfiusoq aamma (Illoqarfik) imminut pilersorluni ineqarfiit.
Ilinniartut ineqarfii amerlanerpaartaat atuarfiup qanittuani inissisimapput. Ilinniartut ineqarfianni ilinniartut allat najugaqatigissavatit. Nammineq ineqassaatit allamilluunniit ineqateqarlutit. Ataatsimoorussanik uffarfeqarlunilu igaffeqarpoq.
Sivikinnerusumik sivisunerusumilluunniit ilinniartut ineqarfiutitsinni najugaqartussaaguit ilinniarninni pikkorissarninniluunniit ilinniartut ineqarfiat inuuninnut ilaasorujussuussaaq.
Inuit siornatigut ilisarisimanngisatit qanimut najugaqatigisussaavatit matumanilu kikkut tamarmik imminnut eqqarsaatiginissaat pisariaqartinneqarpoq.
Sunngiffimmi sammisassat
Cafeqarlutalu qasujaallisartarfeqarpugut.
Sapaatip akunneranut marloriaq timersortarfik attartortarparput.
Matuersaatinik katatsisimanermi
Akiliinikkut matuersaammik nutaamik tunniussisoqartarpoq:
Aappassaanik katatsinermi: 200,-kr
Sillimmasiineq
Tillittoqarneratigut, ikuallannermi ajutoortoqarneratigut namminerluunniit pigisanut ilinniarfik matussusiisinnaanngilaq. Ilinniartuuninni angajoqqaavit sillimmataannit matussuserneqarsinnaanerlutit misissoruk imaluunniit sillimmasiisarfik attavigiuk.
Ilinniartut ineqarfiini sulisunut attaveqarneq
Atuarfitsinni atuartuugaanni piumasaqaateqarpoq.
Atuarfimmi suliassannut nukissaqarnissannik katersuinissat pisariaqarpoq. Taamaattumik ilinniartut ineqarfiat eqqissisimaarfiussaaq, nuannisarsinnaalluni, eqqissisimaarsinnaalluni isumagissaarsinnaallunilu. Tamanna eqquutsinniarlugu ilinniartut ineqarfiini pisortaqarpugut, ilinniartut ineqarfiini perorsaasoqarpugut, pedeleqarpugut, ilinniartullu ineqarfiinut ulluinnarni attaveqartunik allanik sulisoqarluta. Ulloq unnuarlu ilinniartut ineqarfiini pigaartuusoqarpoq. Ilinniartut ineqarfiini pigaartuusut oqarasuaataat: 49 44 99.
Ilinniartut ineqarfiini malittarisassat
Ilinniartut ineqarfiini najugaqaruit ilinniartut ineqarfiinut atuuttut malittarisassat malinnissaannut pisussaatitaavutit, malinninngikkuit anisitaasinnaagavit. Taamatut pisoqartillugu ilinniartut ineqarfianni allami inissamik tunisisoqarsinnaanngilaq.
Pineqartut makku ingerlaannartumik atuutilersumik anisitaanermik nassataqarput
- Ikinngutinut sulisunulluunniit nakuuserneq nakuuserfiginninnissamilluunniit sioorasaarineq
- Ilinniartut ineqarfianni ikiaroornartuuteqarneq, tuniniaaneq imaluunniit atuineq. (Tamakkuninnga nakorsaatitut atuineq isiginiarneqarneq ajorpoq)
- Tillinniarneq aserortererujussuarnerlu
Pineqartut makku mianersoqqussummik aappassaaneerneranilu anisitaanermik nassataqarput
- Pineqartut makku mianersoqqussummik aappassaaneerneranilu anisitaanermik nassataqarput
- Imigassartorneq, tamanna najugaqartunut allanut sulisunullu akornutaappat
- Ineeqqami / ilinniartut ineqarfianni aallaasinik uninngatitaqarneq
- Uumasuuteqarneq – qimmit, qitsuit allallu
- Illumi malittarisassanik malinninnginneq. Assersuutigalugu ataatsimiinnerni torersaanerniluunniit peqataanngikkaanni
Aalajangersakkat nalinginnaasut
- Nipituumik nipilersorneq najugalinnut allanut akornutaassanngilaq ulluinnarnilu, tassa imaappoq sapaat – sisamanngorneq ilanngullugu kingusinnerpaamik nal. 22.30 eqqissisimaartoqalissaaq. Meeqqat nal. 20.30-miit eqqissisimaartinneqalissapput. Tallimanngornermi arfininngornermilu ineeqqani nal. 01.00-miit eqqissisimaartoqalissaaq
- Pulaartut arlaannaatigulluunniit najugalinnut akornutaassanngillat, ilinniartullu ineqarfiat kingusinnerpaamik nal. 22.30 qimariissallugu
- Ilinniarfimmiinnermi najugallit tamarmik ulluni 14-ini tikeraartoqarsinnaatitaapput. Tikeraartoqassagaanni tamanna ilinniartut ineqarfiinut allaffeqarfinnut nalunaarutigineqassaaq
- Siumoortumik isumaqatigiissuteqareersimagaanni tikeraatut ilinniartut ineqarfiini unnuisinnaapput
- Sapaammi nal. 18.00-imiit tallimanngorneq nal. 17.00 tungaanut ilinniartut ineqarfiini imigassartortoqassanngilaq. Piffissami tassani ilinniartut ineqarfianni aalakoortoqassanngilaq
- Ilinniartut ineqarfianni ineeqqani ininilu ataatsimoorfiusuni pujortartoqassanngilaq
Ilinniartut ineqarfiini malittarisassanik unioqqutitsineq kinguneqartarpoq
- Oqaatsitigut mianersoqqusineq
- Allakkatigut mianersoqqusineq
- Anisitaaneq
Nerisaqarfiutigalutik ineqarfiusut igasullit
Nerisaqarfiutigalutik ineqarfiusut arfineq-marluk iggassisunut atassuteqarput. Pisiniartarput, ullaakkorsiusiortarput, atuarfimmilu ullup qeqqasiornermi kissartunik nerisassiortarlutik. Unnukkorsiusiortarput ataatsimoorfinnilu torersaasarlutik.
Weekendini atuartut nammineerlutik nerisassiortarput.
Malittarisassat nalinginnaasut saniatigut
Nerisaqarfiutigalutik ineqarfiusut imigassartorfiunngillat.
Ilinniartut ineqarfianni najugallit tamaasa atukkaminnik torersaasarnissaat namminneq pisussaaffigivaat.
Ilinniartut ineqarfiini najugallit tamaasa paarlakaallutik illumi pigaartuusarput. Illumi pigaartuusup akisussaaffigaa igaffiup isersimaartarfiullu torersuunissai.
Pulaartut unnuiniartut ilinniartut ineqarfiisa allaffeqarfiannut nalunaarutigineqartassapput. Pulaartup ullormut nerisaqarfiutigaluni ineqarfimmi unnuinera nerineralu 80 kr.-qarpoq.
Malittarisassat
Campus Kujallermi ilinniartut ineqarfii atuartunut 18-it inorlugit ukiulinnut immikkut ittunik malittarisassaqarput, taamaasilluta atuartut taakkua pitsaanerpaamik paarilluarsinnaassavagut:
Atuartunut 18-it inorlugit ukiulinnut malittarisassat aakkit (immikkut ammassaaq)
Ilinniartut ineqarfiini tamani unnuit tamaasa sapaammiit sisamanngorneq ilanngullugu kingusinnerpaamik nal. 23-miit nipaarsaarfinngortassaaq. Tallimanngornermi arfininngornermilu kingusinnerpaamik nal. 01-imiit eqqissisimaartoqartassaaq
Nerisaqarfiutigalutik ineqarfiusuni imigassartorneq inerteqqutaavoq, soorluttaaq atuartut ilinniartut ineqarfiini takuneqarsinnaasumik aalakoortassanngitsut.
Ilinniartut ineqarfiini allani tallimanngornermi arfininngornermilu unnukkut nal. 01 tungaanut immiaaqqanik viinninillu imertoqarsinnaavoq. Piffissani allani imigassartorneq inerteqqutaavoq. Ilinniartut ineqarfiini piffinni tamani imigassanik kimittuunik imerneq inerteqqutaavoq.
Ilinniartut ineqarfiini pisortaq/perorsaasoq malittarisassanik eqquutsitsinissamut ikiuutaassapput, ilinniartullu ineqarfiini eqqissisimasoqarnissaanik isumaginnittuussallutik.