Service-økonomimut ilinniagaq toqqarparput, pissutigalugu …
Campus Kujallermi akunnittarfinnik ineriartortitsisut
Marco Sikemsen, Isak-Papik Semsen, Pele Hansen Carina Olesenilu Campus Kujallermi Serviceøkonomitut ilinniagaqarlutik, aallarteqqammerput.
Marcop, Isak-Papiup, Pelep Carinallu Serviceøkonomitut ilinniagaqarnissartik toqqarsimavaat, pissutigalugu, ilinniagaq, Kalaallit Nunaanni nunanilu allani periarfissarpassuarnik ammaammat – ilinniagaq nunarsuarmi sumiluunniit atorneqarsinnaammat.
Campus Kujallermi Serviceøkonominngorniartartut, ilinniakkamik taassuminnga ilinniagaqarnissartik aallartittarpaat, siunissami namminersortunngornissamik siunniussaqarsimanertik pissutigalugu. Eqqarsaat tamanna Marcop, Isak-Papiup, Pellep Carinallu aamma pigaat.
Kalaallit Nunaanni angallassipallattarnikkut, tammajuitsussanik pisiniarfeqarnikkut Kalaallit Nunaatalu oqaluttassartai pillugit oqaluttuussilluni takornariartitsisarnikkut, turisteqarneq eqqarsaatigalugu, ukiuni makkunani, piffissaq soqutiginartorujussuartut oqaatigineqarsinnaavoq.
Campus Kujallermi Serviceøkonomitut ilinniagaqarsimaneq, sulinikkut periarfissanik assigiinngitsorpassuarnik ammaasarpoq. Angallammik angallassineq eqqarsaatigalugu, tassani pingaartumik aasakkut tursitinik angallassineq ingerlanneqartarpoq, ukiukkullu sumiiffinni najugaqartunik angallassineq ingerlanneqartarluni.
Serviceøkonomitut ilinniagaqalersartut amerlasuut GUX-Qaqortumi ilinniarnertuunngorniarfimmi ilinniarnertuutut ilinniagaqarsimasuusarput.
Marco-mut Isak-Papimmut, Pelemut Carinamullu Serviceøkonomimut ilinniarneq Ilinniarnertuunngorniarfimmi ilinniarnermit allaaneruvoq. Atuartitsissutit (fagit) qaffasissusiat allaapput, aammalu atuartitsissutit Ilinniarnertuunngorniarfimmi atuartitsissutaaneq ajortut atuartitsissutigineqartarlutik.
Marcop, Isak-Papiup, Pelep Carinallu GU-mi ilinniartuuneq eqqissisimasumik aallartittoq eqqaamavaat.
Serviceøkonominngorniarlunili aallartinnermi sammisat tamarmik sukkasuumik sakkortuumillu piumasaqarfiusumik aallartittarput – taama aallartinneq eqiinganarpoq soqutiginarlunilu, naak ilaatigut assoruunnarlaarsinnaasaraluartoq.
Ilinniagaq ilaatigut imminut piumaffiginissamik ilaqaraluartoq, Marco, Isak-Papik, Pele Carinalu tamarmik isumaqarput, iliniakkamik aallartinneq nuannersuusoq.
Qularinngilaat, Serviceøkonomitut ilinniagaqarneq soqutiginartunik misilittagaqarfiujumaartoq – ilinniarnerup ilaani USA-mut, savalimmiunut, Schweizimut imaluunniit Islandimut suliffimmik misiliiartornermik ilaqartussaavoq.
Marco, Isak-Papik, Pele Carinalu ilinniakkamut atatillugu, qanittunut ungasissunullu angalasarnissanut qilanaarput.
Læs om Serviceøkonom-uddannelsen med speciale i turisme