Nguujuk Petrussenimit, 3b
Nutaarmiut ilinniartoq Campus Kujallermi
Campus Kujallermi ilinniartuuneq pillugu, ilinniartut ilaat, 30-nik ukiulik Nguujuk Petrussen, 3b-ni ilinniartoq, Campus Kujalliup aperaa, suna pillugu, Campus Kujallermi ilinniartunngorsimanersoq aammalu sapaatip akunnerani kingullermi, maani GUX Qaqortumi ilinniartunngortut nutaat sunik siunnersuuteqarfigisinnaanerai.
“TNI-mi ilinniakkamik naammassinninnikunut periarfissaavoq, Campus Kujallermi 1G qarsutiinnarlugu, 2G-mi ilininnartunngorsinnaaneq. Periarfissaq atorluarlugu, taamaaliorpunga, Campus Kujallermi ilinniarnermi sammiviit ilaat, Niuernermut Aningaasaqarnermullu tunngasoq ilinniarfigalugu aallartissinnaagakku. … aammalu atuartitsissutit itisilernerullugit, ingerlannissaat soqutiginartikkakku.”
Ilinniarnertuutut soraarummeersimanini sumut atorniarneraa pillugu, aperigatsigu, akivoq:
“Maani naammassiguma, Nuummi Erhvervsøkonomi atuarusuppara.”
Nguujuk Nanortalimmeersuuvoq; Qaqortumullu nuunneq imaannaanngilaartoq oqaatigaa:
”Qaqortoq allaasorujussuuvoq. Kulturit assigiinngitsoruussuupput.” Nguujuk oqarpoq, taamaakkaluartoq Qaqortumiinneq ajunngitsorujussuuvoq. Inuit Kalaallit Nunaanni tamalaaneersut naapitassaapput. Illoqarfik Qaqortoq nuannersuuvoq, naak qummukajaaqaraluaqisoq.”
Naggataatigut Nguujuk aperaarput, siunnersuutit pingasut sorliit, Campus Kujallermi iinniartunngortunut nutaanut siunnersuutigerusunnerai:
Siunnersuut siulleq: (1)
”Taaqqaarusutara siulleq tassaavoq, isuma pitsaasoq tassaasoq, atornerluinernit, soorlu ikiaroornartumik hashimik atuineq – maanni illoqarfimmi Qaqortumi pisartut arlariiupput – ajoraluartumillu ikiaroornartumik hashimik atuineq pisartut ilagaat. Tamanna qanillisariaqanngilaq.”
Siunnersuutit aappat: (2)
Aappaattut isumaqarpunga, isumatsialaassasoq, Campus Kujallermilu ilinniartunngortunut nutaanut eqqarsaat pitsaassoq unaasoq: Campus Kujallermi ilinniartunngorpunga. Ja, eqqissigit! Eqqissillutit pigit!”
Siunnersuutit pingajuat: (3)
”Campus Kujallermi ilinniartunngortussaalluni meeraqaraanni; meeqqerivimmilu inissamik pisariaqartitsilluni. Taava piffissaqarluarluni, meeqqerivimmi inissamik qinnuteqarnissaq pisariaqarpoq. Uagut iluatsitsivugut; kisianni utaqqineq sivisusinnaavoq.”
Ullumikkut Kalaallit Nunaanni iliniarnertuunngorniarfinni ilinnialersunut nutaanut qanoq siunnersuuteqarusussinnaavit?
GUX Qaqortoq-mi ilinniakkanut sammiviit atuakkit