Siunnerfiusut tassaapput suliamik ilinniagaqarsimanngitsut, suliamik ilinniagaqarsimasut, inuit suliffillit aamma suliffissaaleqisut.
Suliffeqarnermi pisariaqartinneqartut naapertorlugit pikkorissarnernut peqataasut piginnaasaasa pitsanngorsarneqarnissaannik ineriartortinneqarnissaannillu siunertaqartunik inuussutissarsiutinik ilinniartitaanermi pikkorissarnernut ilinniaqqinnernullu atatillugit angalanernut pikkorissarnerullu nalaani najugaqarnernut matussusiisussanik tapiisoqartarpoq. AMA-mi aningaasat ilinniarnermut atuartitsissutinullu aningaasartuutinut atorneqarsinnaanngillat, imaappoq sulisitsisup pikkorissarnermut akiliut aqqutigalugu taakkuninnga akiliissapput. Pikkorissartoq illoqarfimmit aallartariaqassappat sulisitsisoq ullormusiaqartitsillunilu taxanut aningaasartuutinik akiliissaaq. Ulluni pikkorissarfiusuni nerisaqarneq AMA-mi aningaasanit akilerneqassaaq.
Campus Kujallermi pikkorissaanermut immikkoortortaqarfiup AMU-mit aningaasaliiffigineqartut pikkorissaanerit neqeroorutigisarpai:
PKU-mi Pikkorissaanerit
Ilinniagaqarsimanngitsunut inuttut piginnaanngorsarneq, tassunga ilanngunneqarput suliffissaaleqisut.
Sullinniarneqarput atorfillit ilinniagaqanngitsut, inuiaqatigiinni pisariaqartitanut kissaatinullu naapertuuttumik piginnaasamikkut kivinneqarnissamik piukkunnaatillit tigusiumasunullu. Pikkorissaanerit sapinngisamik najukkami ingerlanneqartarput, angalanermut najugaqarnermut nerisanullu aningaasartuutit sapinngisamik appasinnerpaaffianiitinniarneqarlutik.
Ilinniartitsinermi atortut ilinniartitsinermullu aningaasartuutit tamaasa Namminersorlutik Oqartussanit akilerneqassapput, tamanna ima isumaqarpoq, sulisitsisumit pikkorissaanermut atukkat aningaasartuutigineqassanngitsut. Aammattaaq angalanermut, najugaarnermut nerisanullu aningaasartuutit Namminersorlutik Oqartussanit matussuserneqassapput. PKU -mit aningaasaliiffigineqartartut pikkorissaanerit sapinngisaq tamaat CAK -imit najukkami ingerlanniarneqartarput. Pikkorissartut akissaasersorneqartarput ima agguataarneqartumik, sulisitsisup akissarsianut aningaasartuut pisarnermisut akilertarpaa, kisianni ullormut ataatsimut pikkorissarneqartup ataatsip nalinga 650,- kr.-t sulisitsisumut utertarput. Pikkorissarnerup nalaani pikkorissartoq sulisitsisuminit akissarsiaqanngippat pikkorissarnermi ajunngitsorsiassanik ullormut pikkorissarfiusumut 650 koruuninik amerlassusilinnik tunineqarsinnaavoq. Pikkorissartoq suliffissaaleqisuuppat pisartagaqartinneqarluni pikkorissaanerup nalaani pineqartoq pikkorissarnermi ajunngitsorsiassanik tunineqarsinnaanngilaq.
Campus Kujallermi pikkorissaanermut immikkoortortaqarfiup PKU-mit aningaasaliiffigineqartut pikkorissaanerit neqeroorutigisarpai:
Campus Kujalliup pikkorissaanissamik neqeroorutaanut, ilanngunnissamut imaluunniit allamik apeqqutissaqaruit, pikkorissaanermut pisortaq sianerfigisinnaavat Nuka H. Kielsen Oqarasuaat +299 64 78 88; mobil +299 49 21 38 imaluunniit mail-imut nk@cak.gl -imut allagaqarnikkut.
