Immikkut toqqagassaq/allaffissorneq
Ilinniagassap normua 222022
Ilinniartitaaneq ukiunik sisamanik sivisussuseqarpoq, ilinniartitaaneq tamarmiusoq Kalaallit Nunaanni ingerlanneqartarpoq.
Suliaqarfik/suliffissaq
Atorfinitsinneqarneq pingaartumik allaffinni aamma pisortat allaffeqarfiini imaluunniit suliffeqarfinni nammineq pigineqartuni imaluunniit pisortat suliffiutaanni.
Ilinniartitaanerit assingusut
Immikkut toqqagassani fagit
Immikkut toqqakkani naammassineqartarput ilinniagassatut nammineq toqqakkamut aamma sulinermik ilinniarfigisamut iluaqutissat.
Allaffissornikkut immikkut toqqakkani fagini anguniakkanut qulequttat ilaasut ukuupput: Allaffisornikkut aqutsineq, inuttut pilersaarusiorneq, paasisutissiisarnermi sakkussat suliffimmi akuutinneqartut, paasissutissanik ujaarlerneq aamma -suliaqarneq, attaveqaqatigiinneq, tuniniaanissamik suliniuteqartarneq pilerisaarineq aamma atuisunik sullissineq, nunarsuaq tamakkerlugu niuerneq, ingerlasussanik piareersaaneq aqutsinerlu, pisortat immikkoorttortaqarfii aningaasaqarnerallu inatsisitigullu tunngaviusut kiisalu sakkussat, sullissinerlu.
Ilinniaqqinnissamut ingerlaqqiffiusut – periarfissat
- Merkonom/Niuernermik ilisimatusarneq