GUX Qaqortumi GUXp qinngasaarineq pillugu politikkia

Ulluinnatsinni ilinniartut aamma sulisut inuit ataasiakkaat GUX Qaqortumi pissusilersuutaasa ataatsimoornermut sunniuteqarsinnaaneri eqqumaffigeqquneqarpoq. Taamaattumik ilinniartut sulisullu sulianut tunngatillugu innimittarnermik eqqarsarluarnermillu takutitseqquneqarput. Taamatuttaaq ilinniartut sulisullu suliffimmik nuannersumik pilersitseqataanissamut peqataallutik innimittarnermik ataqqinninnermillu imminnut takutitsivigissasut naatsorsuutigineqarpoq.

GUX Qaqortoq ilinniarfiussaaq qinngasaariffiunngitsoq. Naatsorsuutigisat akimorlugit qinngasaarneqarneq misigissagukku, aqutsisoq qaninneq imaluunniit sumiiffimmi ilinniartut siunnersuisui attavigissagitit kaammattorneqarputit, taamaasilluni qinngasaarineq pinaveersaarneqarsinnaammat.

GUXp qinngasaarinermut politikkianut tunngatillugu GUXimi ilinniartitsisut siunnersuisooqatigiivini, ilinniartut siunnersuisooqatigiivini ASA-llu inatsisilerituuini tamanut saqqummiisoqannginnerani 2023-mi tusarniaasoqarnikuuvoq.

Stinus Silassen, Atuarfiup pisortaa – Campus Kujalleq