AMA-24.02
Lean, Yellow Belt og Green Belt
Ukiamut pikkorissaanerit ingerlanneqassapput ulluni: 6, 7, 8, 11, 12 aamma 13 novembari 2024.
Ulloq qinnuteqarfissaq kingulleq: 8. oktober 2024.
Campus Kujallermi Lean akademiet suleqatigalugu neqeroorutigineqarput:
Yellow Belt:
Lean-imut ilitsersuut. Lean -ip isumaata ilisarnaataat ilinniartitsissutigineqassaaq Lean -imillu suliaqarnermi sakkussanik tuniorarneqassaatit.
Lean -imi Yellow Belt -imik pikkorissaanermi allaaserineqarnera qanimut atuarneqarsinnaavoq: (Pikkorissaanermi allaaserineqarnera ”igalaakkut” allakkut ammarneqarsinnaavoq).
Green Belt:
Immikkoortoq moduli taanna Leanip iluatsittumik naammassineqarnissaanut aqussavaatit. Sakkussat periusissallu siumut ingerlarsornissamut tunniunneqassapput kiisalu suut akimorlugit suliamik iluarsaassinermi piginnittuunermik misigitinneqarnissaaq.
Lean Green Belt pillugu qanimut allaaserineqarnera takuuk: (Pikkorissaanermi allaaserineqarnera ”igalaakkut” allakkut ammarneqarsinnaavoq).
Sivisussusia:
Katillugit ullut arfinillit.
Pikkorissaanermi akiliutissaq:
16.000 kr. inummut peqataasumut ataatsimut. Pikkorissarnissamut ilannguneqarnerup kinguninngua pikkorissaanermut akiligassaq nassiunneqassaaq.
Pikkorissaanissat sumiiffiillu:
Pikkorissaanerit Qaqortumi ingerlanneqassapput. Pikkorissarneq pissaaq Hotel Qaqortumi. 6, 7, 8, 11, 12 aamma 13 novembari 2024.
Ulloq qinnuteqarfissaq kingulleq:
Oktobari 8. -ini 2024
Angalanermut najugaqarnermullu aningaasartuutissat:
Pikkorissartussat illoqarfinnit allaneersut, Qaqortuminngaannersut pinnagit, angalanermut najugaqarnissamullu aningaasartuutissat AMA-p (aningaasaqarneranit) akilerneqassapput.
Oqaatsit:
Pikkorissarneq qallunaatut ingerlanneqassaaq.
Taamaatinneq:
Taamaatinnermi pikkorissaanissamut ilanngunneqareernerup kingorna ataani pineqartut atuutissapput:
- Pikkorissaanissaq sap.ak. 4 -nik sioqqullugu taamaatinneq akeqanngilaq.
- Pikkorissaanissaq sap.ak. 3 sioqqullugu taamaatinnermi akilerneqartut 75 % -ii akiligassanngortinneqartarput/utertinneqartarput.
- Pikkorissaanissaq sap.ak. 2 sioqqullugu taamaatinnermi pikkorissaanissamut akiliut tamarmiusoq akiligassanngortinneqassaaq/utertinneqassanngilaq.
Taamaatinnermi angalanermi- najugaqarnermilu aningaasartuutit:
CAK -imit tamanna avaqqunneqarsinnaanngimmat killiligaareeqisunik pikkorissartunut illoqarfinni allaneersunut billitsisiniartarpoq. Pikkorissarnissamut taamaatinnermi CAK isumagisaanut, billitsit akii tamakkiisumik sulisitsisumut akilersittariaqartarpagut tassa angalatitsivimmit akia tamakkerlugu utertinneqarsinnaanngikkaangat.