Ilinniarnermi- aamma ileqqorissaarnermullu malittarisassat
Ilinniarfiup nuannersuunissaanut malittarisassat, akisussaassusilimmik pissuserissaarneq innimittartuunerlu pisariaqarput. Uani Ilinniarnermi- aamma ileqqorissaarnermi malittarisassat aakkit:
Kalaallisut: GUX Qaqortumi Ilinniarnermi- aamma ileqqorissaarnermi malittarisassat
Qallunaatut: GUX Qaqortumi Ilinniarnermi- aamma ileqqorissaarnermi malittarisassat
Qallunaatut: GUX Qaqortumi Ilinniarnermi- aamma ileqqorissaarnermi malittarisassat
- Ilinniarnermut piffissaq eqqorlugu takkuttoqassaaq. Ilinniartut inortuisut ilinniartitsisup ilaatinngitsoorsinnaavai.
- Init, pequtit atortullu pissuserissaartumik atorneqassapput.
- Init ilinniarfiusut torersumik qimanneqassapput, ilinniarfiup kingorna eqqiarneqarniassammata.
- Eqimattakkaarluni assigisaanilluunniit suliaqareernermi issiaviit nerriviillu inaanut inissinneqassapput.
- Ilinniarfiup avataani taamaallaat pujortartoqarsinnaavoq
- Nerereernerup kingorna torersaasoqassaaq.
- Ilinniartitsinerit ingerlanerini nerisoqassanngilaq.
- Ilinniartitsinerit ingerlanerini mobiilit qaminngassapput, nuisassanngillat.
- Ilinniarfimmi imigassanik aalakoornartortalinnik imertoqassanngilaq, taamaallaat assersuutigalugu ilinniartut fiisterneranni akuersisoqarsimappat.
- Ilinniarfiup It-mut atortui taamaallaat atorneqarsinnaapput ilinniarfiup malittarisassai atuuttut malillugit.
- Ilinniartut meerallit inini ilinniarfinni meeqqatik ilaginiarunikkit, ilinniartitsisumit akuersissuteqaqqaassapput.
- Ilinniarfiup ileqqorissaarnermi peqatigiinnermilu malittarisassat ilinniarfimmi silataanilu atuupput, aamma ilinniartut sunngiffiini pineqartup ilinniarfiani attuumasuni.
- Ilinniartitsineq nal. arfineq-pingasunut aallartittarpoq kingusinnerpaamillu nal. tallimanut unereersimassalluni. Qaammatip qeqqani arfininngornerit ilaat pisariaqartitsineq malillugu ilinniarnermut atorneqassaaq. Napparsimaneq imaluunniit alla pissutigalugu ilinniarnissamut takkutinngikkaanni eqqaamaqquneqarpoq Lectiokkut nalunaarnissaq. Takkutinngitsoornerit tamarmik akuerineqaqqaarani takkutinngitsoornerupput.
Malittarisassat malinngikkukkit ilinniarfimmit anisitaasinnaavutit, pequtillu aserorsimasatit ilinnut akiligassanngorumaarput.
Serviceøkonom- aamma takornariartitsisutut ilinniakkani malittarisassat sukannernerusut:
Serviceøkonom- aamma takornariartitsisutut ilinniakkat Campus Kujallermi malittarisassat (jfr. cak.gl: skolen/ordensregler) nalinginnaasut atorpaat.
Takornariartitsiviit massakkut sulisussanut tulliuttunut qaffasissumik piumasaqaateqarmata, uani takkutinngitsoornermut tunngatillugu malittarisassat sukannernerupput:
Takkutinngitsoornerit 10% qaangerpagit, ilinniarnermit anisitaasoqarsinnaavoq.
Takkutinngitsoornerit napparsimanermit peqquteqarpata nakorsap oqaaseqaataanit taakku uppernarsarneqassapput.
Campus Kujalliup avataani (Qaqortumiunngitsoq illoqarfinni/nunaqarfinni allani) ilinniartitaanerit ingerlanneqarpata takkuffissanilu takkutinngitsooraanni maannakkorpiaq ingerlaannartumik anisitaasoqassaaq.
Avataani pikkorissarnerit ilinniarnermut ilaatillugu peqataanissamut piumasaqaatitallit assersuutigalugu Maritimkursus aamma Røde Kors´ Ikiueqqaarnermi taakkunani immikkut malittarisassaliortoqarsinnaavoq. Pikkorissarnerup ingerlaneranut tunngatillugu taakku malittaalu ilinniartunut kinguneqarsinnaapput.
Tipigissaatinik atuinermut politikki
CAK-mi sulisut ilinniartullu sapigallit imaluunniit eqqiaanermut qaqorsaatit, qaqorsaatinut, kingunerutinut, uffaatinut tipigissaatillu atisanut timimulluunniit tipaannut malussarissunut innimittarpugut.
Taamaattumik CAK-mi errorsinermut- aamma eqqiaanermut qaqorsaatit tipigissaatitaqanngitsut atorpai.
Sulisut ilinniartullu innimittarnissaannut kaammattorpagut:
- • Tipigissaatinik atuineq annikillisillugu aamma errorsinermi qaqorsaatini, kingunerutini, unersunniiaatini assigisaanilu tipigissaatinik annikinnerpaamik atuisoqassasoq.