Kujataani Ilinniarnertuunngorniarfik Kommune Kujallermi ilinniarfiit annersaasa ilagaat, aammalu ilinniartitsinermi, allaffissornermi, ilinniartunik sullissinermi, ilinniartut ineqarfiini, eqqiaanermi kiisalu teknikkikkut ingerlatsinermi sulisut 75-it missaanniittut sulisorai.
Ilinniarnertuunngorniarfimmi sulisut ataavartumik Kalaallit Nunaanni ilinniartitaanerup piginnaasallu ineriartortinneqarnerinut tunniusimallutik peqataapput. Atorfillit sulianut tunngasumik inooqatigiinnikkullu ataatsimoorfiusumi, suleqatigiinneq anersaaralugu, ataqqeqatigiinnermik ineriartortitsinermillu pingaartitsisuupput.
Ilinniarnertuunngorniarfimmi atorfillit avatangiisit pissanganartut isumaqartullu akuuffigaat. Aamma ilinniartut ilinniarnerini pitsaasumik atugassaqartitaanissaannik sinaakkutissanik atorfeqartut pilersitseqataasuupput.
Ilinniarnertuunngorniarfimmi inuttassarsiuussat quppernermi matumani kiisalu suliffissanik inuttassarsiukkanik nittarsaaviit aqqutigalugit saqqummiunneqartarput.
Naak Qaqortumi Ilinniarnertuunngorniarfik atorfinnik inuttassarsiuinngikkaluarpalluunniit qinnuteqaatinik apuussiffigineqarsinnaavoq, taamaaliussaguit uunga allallutit qinnuteqarit: cak@cak.gl
Atorfiit inuttassarsiorneqartut linkit allassimasut aqqutigalugi misissorsinnaavatit: