Pinnersaasersuuserisunngorniaq / Dekoratør
Ilinniarnerup normua 222021
Ilinniagaq sivikinnerpaamik ukiunik sisamanik sivisussuseqarpoq, taakkunannga suliffimmi misiliineq kiisalu ukiuni siullerni pingasuni atuagarsorneq Kalaallit Nunaanni ingerlanneqartarpoq. Immikkut atuagarsornerit ukiut atuarfiusut sisamaanni Danmarkimi ingerlanneqartarput, aamma danskit atuarfiini pilersaarusiornerit apeqqutaasarput, tassa imaappoq ilinniarneq ukiut sisamat sinnerlugit aamma ukiut tallimat angullugit atuagarsortoqarsinnaavoq.
Suliassaqarfik
Pingaarnertut pisiniarfiniarfinni atorfinittoqartarpoq.
Ilinniakkat assingusut
- TNI Pisiniarfimmiunngorniarneq/ ulluinnarni nioqqutissanik niuerneq
- TNI immikkuullarissumik sammivilimmik pisiniartitsisunngorniarneq
- TNI immikkuullarissamik sammiveqarani pisiniartitsisunngorniarneq
Ilinniartitsissut immikkut ittoq
Ilinniarnermi suliffimmilu misiliinermi immikkut toqqarsimasaq ilinniartitsissummi immikkut ittumi toqqaannartumik sammineqartarpoq. Pinnersaasersuuserinermi/ dekoratørimi immikkut ilinniartitsissutit danskit niuernermik ilinniarfiinit aalajangersarneqartarput.
Ingerlariaqqiffiusumik ilinniarneq aamma ilinniaqqinneq
- Merkonom
- • Ilinniaqqiffissaq nutaaq pilersinneqassaaq taassumalu Alloriarneq taarserpaa.