Takornarialerisutut ilinniartitaanerit
Campus Kujalliup takornarialerisutut ilinniarfissat pingasut neqeroorutigai:
Kiffartuussinermi økonom -itut
Kiffartuussinermi økonom-itut ilinniartitaanermi Turisme Management (takornarialerinermi aqutsineq) qitiutinneqartarpoq, takornariaqarnikkullu – takusassarsiortitsinermi inuussutissarsiutinut aaliangiunneqarsimasunut piumasaqaatinut naleqqussarneqarsimallutik. Ilinniartitaaneq ukiut marluk affarlu sivisutigivoq, sungiusarluni sulineq ilanngutereerlugu kiisalu paasisassarsiorluni angalanerit, atuagarsorneq sungiusarlunilu sulinerit imminnut ataqatigiisillugit aamma iluaniipput. Ilinniartitaanermi tassani aamma takornarialerisunut aqutsisutut periarfissaqalerpoq, projektinik/siunniussanik pilersinniakkanik aqutsisutut imaluunniit pilerisaarutinik/takoqqusaarutinik tuniniaanermi ataqatigiissaarisutut kiisalu namminersortunngortoqarsinnaalerpoq. Ilinniartitsinerup iluaniipputtaaq ass., nunarsuaq tamakkerlugu attaveqaqatigiinneq, aaqqissuussaaneq aqutsinerlu, sullissinermut aningaasaqarnikkut aqutsineq, piujuartitsinerlu. Qaqortumi Campus Kujallermi ilinniarnerup nalaani ilinniartut najugaqarsinnaapput kiisalu kalaallisut qallunaatullu innutaasunut ilinniartitaaneq akeqanngilaq. Qinnuteqarfissaq kingulleq ulloq 1. marts 2025.
Kiffartuussinermi økonom pillugu annertunerusumik paasissutissiineq ugguuna atuaruk
Issittumi takornarialerisutut ilinnartitaaneq ukiup affaanik sivisussuseqarpoq tassani Kalaallit Nunaanni takornarialerisartutut piareersarneqassaatit aamma nunarsuaq tamakkerlugu takornarialerisartutut. Takornarialerinermi oqaatsit atorneqartartut, piujuartitsineq, sullissineq aamma Kalaallit Nunaata oqaluttuassartaa, piorsarsimassuseq, nunap nammineq pissusaa uumasullu ilinniassavatit. Ilinniarnerup ingerlanerani skema malillugu projektinik/pilersinniakkanik allaaserinninneq aamma nammineq paasisassarsiornerit ataqatigiisillugit ingerlanneqartarput. Qinnuteqarfissaq kingulleq ulloq 15. november 2024, tassani piumasaqaatigineqarpoq ilinniarnertuunermi misilitsissimanermut uppernarsaat imaluunniit allamik inuussutissarsiutigalugu ilinniakkamik ingerlataqarsimanissaq. Ilinniartitaaneq aallartissaaq januaarimi maajimilu naammassineqassaaq, takornariaqarnerup aallartinngilaattaani. Annertunerusumik paasissutissat pissarsiarineqassapput, ilinniartitaanermut pisortamut Iddimanngiiu Bianco ib@cak.gl. attavigalugu
Issittumi takornarialerisutut ilinniartitaaneq pillugu annertunerusumik paasissutissiineq ugguuna atuaruk
Issittumi Adventure Guide -tut ilinniartitaaneq ukiup affaanik sivisussuseqarpoq, ilinniarneq augustusimiit decemberimut ingerlanneqassaaq, tassani isumannaatsumik ingerlatsineq qitiutillugu qaqqami angalaarluni takornariartitsineq piareersarneqartarpoq, sullissineq allatullu nuannersumik misigisassaqartitsinissaq. Naasut uumasullu, takornariartitseriaaseq, ikiueqqaarneq, nunami pisunneq, tuluit oqaasii kiisalu kulturit pillugit paasinnittaaseq ilinniassavatit. Ilinniaartitaaneq Nunatsinni Avannaani- Kujataanilu ingerlanneqartarput, atuagarsornermik kiisalu sungiusaatinik suliaqarnikkut ingerlanneqarsinnaasunik akullugit ingerlanneqartarput. Ilinniartitaanermut aamma ilaavoq, Angallammik ingerlatsisinnaanermut misilitsinneq. Qinnuteqarfissaq kingulleq ulloq 1. marts 2025, annertunerusumik paasissutissat pissarsiarineqassapput, ilinniartitaanermut pisortamut Iddimanngiiu Bianco ib@cak.gl. attavigalugu