PKU-24.09 Tunngaviusumik IT-lerineq

Qaqortoq 30. + 31. maj + 1. juni 2024

(Kurset forgår kun på grønlandsk)

(Kingusinnerpaamik nalunaarfissaq 17. maj 2024)

 

Pikkorissarnermi computerilerinermut sungiusinerussuutit. Makku sammineqassapput; tunngaviusumik ilisimasassat, soorlu qarasaasiami toqqorsiviit, allakkiornermi programmi, emailit internet-ilu (tassani Sullissivik.gl aamma Suli.gl sammineqarnerussapput)

 

Pissarsiassatit:

  • PC-p skærmia, mus, drevinik atuineq assigisaallu.
  • Allakkiornermi programmi
  • Internet-imik atuineq, e-mailit, qaammatisiutit
  • Dokumentinik aaqqissuineq/toqqorterineq
  • MitID aamma digital post suuppat?
  • gl aamma Suli.gl suuppat qanorlu atorneqarsinnaappat?

 

Peqataasussat

Pikkorissarnermi peqataasussatut naatsorsuutigineqartut tassaapput IT-lerinermut ilisimasaqanngitsut imaluunniit annikitsuaqqamik ilisimasallit. Peqataaniartut Qaqortumeersuussapput. Peqataaneq akeqanngilaq. Ilinniagaqanngitsut salliutinneqassapput.

 

Periaaseq

Ilitsersuisoq saqqummiissassaaq aammalu nammineq suliaqarnikkut sungiusarnerit amerlasuut.

 

Pikkorissaanermi piffissaq sumiiffissarlu

Pikkorissaaneq Hotel Qaqortumi ingerlanneqassooq ulluni 30. + 31. maj + 1. juni 2024 nal. 8.30 – 15.30

 

Peqataaniarnermi nalunaarfissaq kingullerpaaq

  1. maj 2024

Una toorlugu immersuigit.

 

Pikkorissarnermi ajunngitsorsiassat (kursusgodtgørelse)

Peqataasut ilinniagaqanngitsut pikkorissarnermi ajunngitsorsisinnaapput.

Peqataasut ilinniagallit peqataasinnaapput akeqanngitsumik, taakkuli ajunngitsorsiassaqanngillat.

Sulisitsisut / peqataasut suliffillit

Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.

Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.

Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.

Majoriaq / peqataasut suliffeqanngitsut, aalisartut/piniartut

Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.

Ajunngitsorsiassat ullut 14-ikkaarluni akissarsititsinermi ilaapput.

Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.

Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.

Nammineq inuussutissarsiortut

Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.

Ajunngitsorsiassat tunniunneqassapput pikkorissarneq naammassippat – naatsorsuutigineqassooq ullut arlallit utaqqilaartariaqarnissaq.

Ajunngitsorsiassap annertussusaa:

Januar 2024-imiit atuutilersut:Ullormut 718 kr.