PKU-23.11 Suliffimmik aallarnisaaneq

Sisimiut 16. – 21. oktober 2023

Peqataasussat: Kalaallisuuliornermik Ilinniarfinni ilinniarsimasut Sisimiuni najugallit.

Una Toorlugu Immersuigit

Imai:

Suliffimmik aallarnisaaneq

  • Pisortat piumasaqaataat
  • Tapiiffigineqarnissamut periarfissat
  • Suliffiit ilusaat assigiinngitsut
  • Pilersaarusiorneq

Aningaasatigut aqutsineq

  • Pisortat piumasaqaataat
  • Missingersuusiorneq

Innovation – nutaaliorneq

  • Pisisartussatut siunniussat
  • Kalaallisuuliornermik ilinniarsimasutut piginnaasat aamma nutaaliorneq

Oqaatsit:

Kalaallisut.

Piumasaqaatit:

Peqataarusullutit qinnuteqartut Kalaallisuuliornermik Ilinniarfimmi ilinniarsimasuussaapput naammassisimallugulu.

Sivisussusaa:

Ullut arfinillit nal. 8.30 – 16.00.

Qinnuteqarneq: Kingusinnerpaamik 18. september 2023

Nittattagarput aqqutigalugu ugguuna qinnuteqarit.

Illoqarfigisanni Majoriaq aamma ikiorteralugu qinnuteqartoqarsinnaavoq.

Pikkorissarnermi ajunngitsorsiassat (kursusgodtgørelse)

Sulisitsisut / peqataasut suliffillit

Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.

Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.

Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.

Majoriaq / peqataasut suliffeqanngitsut, aalisartut/piniartut

Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.

Ajunngitsorsiassat ullut 14-ikkaarluni akissarsititsinermi ilaapput.

Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.

Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.

Nammineq inuussutissarsiortut

Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.

Ajunngitsorsiassat tunniunneqassapput pikkorissarsimasoq akiligassamik (faktura) Campus Kujallermut nassiussereerpat.

Ajunngitsorsiassap annertussusaa:

Juni 2019-imiit atuutilersut:

  • Ilinniagaqanngitsut 25-iniit akiullit: Ullormut 650 kr.
  • Ilinniagaqanngitsut 18 – 24-inut ukiullit: Ullormut 211,50 kr.