Takornarianut guide-rineq – Ittoqqortoormiit

Peqataasussat: Ittoqqortoormiormiut

10. – 12. januar 2021

Imai:

  • Sillimaniarneq
  • Angalassinerit ilusilersorneri
  • Sullinniakkat
  • Inatsisit
  • Paasissitissanik ujarlerneq
  • Geologii assarnerillu
  • Oqalunnermi teknikki

Oqaatsit:

Kalaallisut

Pikkorissaasut:

  • Niviatsiaq Guldager, Serviceøkonom takornarialerinermi aamma Arktisk Guide-q. Campus Kujallermi guide-nngornianut ilinniartitsisoq.
  • Aaju Simonsen, Geolog/ujarassiooq, Adventure Guide-nut ilinniartitsisoq

Sivisussusaa:

Ullut pingasut, nal. 8.00 – 17.30.

Qinnuteqarneq: Kingusinnerpaamik 4. januar 2021

Illoqarfigisanni Majoriaq aqqutigalugu nalunaartoqassaaq. Sullissisut (sagsbehandler) peqatigalugu qinnuteqarneq pissooq.

 

Pikkorissarnermi ajunngitsorsiassat (kursusgodtgørelse)

Peqataasut ilinniagaqanngitsut pikkorissarnermi ajunngitsorsisinnaapput.

Peqataasut ilinniagallit peqataasinnaapput akeqanngitsumik, taakkuli ajunngitsorsiassaqanngillat.

Sulisitsisut / peqataasut suliffillit

Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.

Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.

Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.

Majoriaq / peqataasut suliffeqanngitsut, aalisartut/piniartut

Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.

Ajunngitsorsiassat ullut 14-ikkaarluni akissarsititsinermi ilaapput.

Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.

Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.

Nammineq inuussutissarsiortut

Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.

Ajunngitsorsiassat tunniunneqassapput pikkorissarsimasoq akiligassamik (faktura) Campus Kujallermut nassiussereerpat.

Ajunngitsorsiassap annertussusaa:

Juni 2019-imiit atuutilersut:

  • Ilinniagaqanngitsut 25-iniit akiullit: Ullormut 650 kr.
  • Ilinniagaqanngitsut 18 – 24-inut ukiullit: Ullormut 211,50 kr.