PKU-kursus – Naatsorsuutilerineq

Narsaq, 9. – 11. februar 2021

Peqataasinnaasut: Narsami najugallit

Imai:

  • Naatsorsuutinut isertitat aningaasartuutillu sorliit ilaatinneqassanersut
  • Ikiortigisimasat (sulisut) aningaasarsiaasa nalunaarutiginissaat
  • Akileraarutitigut nalikilliliineq
  • Nammineerluni immersugassap immersornissaa

Pikkorissaaneq kalaallisut ingerlanneqassooq.

Sivisussusaa

Ullut pingasut nal. 8.30 – 15.30 

Qinnuteqarneq

Qinnuteqarneq una nittartagaq aqqutigalugu pissooq https://cak.gl/kurser/ kingusinnerpaamik 18. januar 2021.

Pikkorissarnermi ajunngitsorsiassat

Peqataasut ilinniagaqanngitsut pikkorissarnermi ajunngitsorsiassanik pisinnaapput..

Peqataasut ilinniagallit akeqanngitsumik peqataasinnaapput, kisianni ajunngitsorsisinnaanngilat.

Sulisitsisut /peqataasut suliffillit

Pikkorissartut aggersarneqarnerannut atatillugu pikkorissarfiusumi pikkorissartumut nalinginnaasumik akissarsiassat akiliutiginissaat pillugit Campus Kujalliup sulisitsisoq qinnuigissavaa.

Pikkorissarnerup naammassinerata kingornatigut pikkorissartitsinermi ajunngitsorsiassanut akiligassaq sulisitsisup Campus Kujallermut toqqaannartumik nassiutissavaa. Tamakku ilutigalugit pikkorissarnerup nalaani pikkorissartoq agginngitsoorsimassappat pikkorissartitsinermi ajunngitsorsiassani ilanngaateqartoqarsinnaaneranik inuussutissarsiutinut ilinniarfik sulisitsisumut ilisimatitsissaaq.

Majoriaq / peqataasut suliffeqanngitsut

Majoriaq suliffissaaleqisunut ”sulisitsisutut” inissisimasinnaavoq. Taama pisoqartillugu Majoriaq Campus Kujallermiit pikkorissartitsinermi ajunngitsorsiassanik tigusaqassooq. Tamatuma kingorna pikkorissartunut ajunngitsorsiassat akiliutiginissaat Majoriap akisussaaffigaa.

Pikkorissarnerup nalaani pikkorissartup ajunngitsorsiassat taamaallaat pisassavai. Pikkorissartitsinermi ajunngitsorsiassat akileraarummut ilanngaateqartussaapput, tamannalu pikkorissartumut ilisimatitsissutigineqassaaq. Taamaalillutik pineqartup pikkorissarneq sioqqullugu pisortanit ikiorsiissutinik pissarsiarisaanik Majorissat aamma akiliuteqassannginnerannik tamanna isumaqarpoq. Pikkorissartitsineq naammassereerpat pikkorissartitsineq sioqqullugu pineqartup ikiorsiissutit pissarsiarisimasani pissarsiareqqissavai. Tamannali pineqartup suli suliffissaaleqisuunera tunngavigalugu taamaallaat pissalluni.

Namminersortutut inuussutissarsiutillit

Namminersortutut inuussutissarsiutilinnut pikkorissartitsinermi ajunngitsorsiassat B-tut isertitatut akiliutigineqassapput. Kingornatigut aningaasanit akileraarutinut akiliutissat pikkorissartup nammineq akisussaaffigaa.

Ajunngitsorsiassat tunniunneqassapput peqataasoq Campus Kujallermut akiligassamik nassiussereerpat.

Ajunngitsorsiassap annertussusaa

Juni 2019-imiit atuutilersut:

  • Ilinniagaqanngitsut 25-iniit akiullit: Ullormut 650 kr.
  • Ilinniagaqanngitsut 18 – 24-inut ukiullit: Ullormut 211,50 kr.