Ulluni ilinniarnertuutut nasartaanermi ilitsersuut:

COVID-19 atatillugu CAK-mi maleruagassat maannamut atuutut malillugit, CAK inunnit avataaneersunik iserfigeqqusaanngilaq.

Tamaattumik angajoqqaat ikinngutillu tamanna erfalasulerfiup eqqaani GU-p silataanni ingerlattariaqassavaat.

Silalu ajussagaluarpat tamanna rektorip aalajangiiffigissavaa, ilaquttat amerlanerpaamik 2-4 isersinnaatillugit, isilernermilu assaat spritimik asanneqarnissaat aammalu ajornanngippat 2 meterimik ungasissuseqarnissaq malinneqassallutik, tamannalu immikkut nakkutigineqassaaq.

1.timillu sioqqullugu atuarfimmukarsimagaani init immikkoortortaqarfik 0-miipput utaqqisarfittut atorneqassaaq minnerpaamillu ilaqutariit ataatsit tassaniisinnaallutik.

Tamatumap kingorna ilaqutariit Aka Høeg-ip eqqumiitsuliaata eqqaani aammalu ilinniartut kioskiata eqqaanniittuni nerrivinni portusuuni annerpaamik 5 min. Utaqqisinnaallutik.

Tallimanngorneq 26.juni allagartartaanissamut pilersaarut:

Pisarnertut oqallugiartarfik mekrofonillu ikkusuunneqassapput, allagartartaassanullu issiaviit aulami ungasissusissaanut naleqqussallugit iliorarneqassallutik

Allagartartaarneq facebook-ikkut malinnaavigineqarsinnaassaaq, tamaatumat saniatigut atuartut ZOOM aqqutigalugalu attavilerneqarnikuupput, tassanngalu atuartut nammineq ilaquttatik ikionngutitillu nassiusivisinnaavaat. GUX ZOOM-konto atorlugu PL 300-nik pilersitsissaaq ullorlu taanna atuqassallluni. Taannalu ZOOM-mik takutitsineq skermersuaq aulamiittoq atorlugu aamma takutinneqassalluni,

09:50                Allagartartaartussaq tamarmik immikkoortortaqarfik 0-mi katersuutissapput, angissusertillu malillugit tulleeriiassallutik,

10:00                Aulamut isaaneq, niviarsiaqqat siulliullutik, issiavissaminnut siullerniit issaassallutik, aulap ulikkaarnissaata tungaanut.

Tamatumap kingorna nalinginnaasumik oqalugiarnerit nerorinninnerit pissapput, præmienik agguaanerit erinarsornerit pissapput (kingusinnerusukkut progammi takkukkummaarpoq).

Allaavittut ZOOM-mi peqataasut muteqassapput, kisiannili itumatsernermi hurraartornermi erinarsornermilu taakkua un-muterneqartassallutik. Tamannalu ZOO-erimik pisariaqaritsivoq.

11:00                nal. 11:00 kingusinnerulaartukkulluunnit allagartartaarneq naammasineqassaaq. Tamatuma nalaani nerisassanik piareersaasoqarsimassaa, nerisassanillu imigassanillu sodavandinik allagartartaartut sulisullu immaqalu avataannillu qaaqqusat ataaseq marlulluunnit ataasiakkaarlutik aallertassapput , imminnullu 2 meterimik ungasissuseqarlutik nereqatigiissallutik.

11:30                Nereqatigiinnerup nalaani klassikkaarluni assilisinnerit pissapput (coronamut attuumassutillit).

12:00                Allagartartaarut alluunaasaq tigummillu tasiornatik tissalutup tungaanut pisoqatigiissapput, 1 meterimik ungasissusilerlutik, tissaluttorlu erinarsuutigalutik imminnut ungasissuseqarlutik kaavissallugu, ungasissuseq eqqaamaneqassaaq.

Naggataarnersiornermi nalliuttorsiornerit

Maannakkorpiaq maleruagassat tunngavigalugit atuarfiup nalinginnaasumik  ilaqutaasunut sulisunut qanigisaa sunullu allagartartaartunut nalliortorsiortitsinissaa pisinnaanngilaq,  (ØØV) Massakkuugallartumik marluugallartunik tunngaveqarpoq. CAK ataatsimiitaliaq Campus Kujaalleq inunnik avataaniit isertoqannginnissaa suli aalajangiuteqqavaat, aappaatut inuit 100-sinnerlugit katersuuteqqusaannginnerat suli atuuppooq.

Tamaattumik kissaatigissavarput 3.mi atuartut klassikkaarlutik illoqarfimmi Qaqortumi nalliuttorsiorfigineqarsinnaasut atorlugit allagartartaarnermi nalliuttorsiornissamut aaqqissuinissaat. Kisiannili paaserusupparput sumi ingerlanneqarumaarnersut, aqutsisut sulisullu unnuup ingerlanerani takkutilaartarniassammata.

Atuarfik allagartartaartumut ataatsimut 200 kr.-nik nalliortorsiortitsinermut tapiissuteqassaaq.

Categories: Nyheder