Nalinginnaasumik maleruagassat

Atuarfik najoruminartuussappat pisariaqarpoq, maleruagassat ataaniittut malinneqarnissaat, akisussaassuseqarpaluttumik inuppalaartumillu pissusilersortoqassaaq:

  • Piffissaq eqqorlugu atuariartortoqassaaq. Ilinniartut inortuisut ilinniartitsisumit anisinneqarsinnaapput.
  • Init, pequtit, atorlullu allat, peqqissaartumik atorneqassapput.
  • Init atuartitsiviusut, torersumik atuareernerup kingorna qimanneqartassapput, eqqiarneqarsinnaanngorlugit.
  • Issiaviit nerriviillu inaalinneqartassapput, soorlu eqimattakkaarluni suliaqareernerup kingorna.
  • Pujortartarfimmi taamaallaat pujortartoqartassaaq.
  • Sutorsimagaanni, sutorfigisimasaq torersarneqassaaq.
  • Akunnerni atuarfiusuni nerisoqassanngilaq.
  • Oqarasuaatit angallattakkat qaminngatinneqassapput, saqqumilaartinneqassanatillu.
  • Atuarfimmi imigassartorneq inerteqqutaavoq; taamaallaat akuersissuteqaraanni, soorlu ilinniartut katerisimaartinneqarneranni.
  • Qarasaasiat atuarfimmit pigineqartut, taamaallaat atuarfiup maleruagassai atuuttut malillugit atorneqartassappu.
  • Ilinniartut meerallit ilinniartitsisumit akuerineqarunik meeqqatik atuartitsinermut ilagisinnaavaat.
  • Ilinniarfiup torersuunissaa pillugu aammalu inuit ataatsimoorneranni maleruagassat ilinniarfimmi ilinniarfiullu avataani atuupput, saniatigullu sunngiffimmi ilinniarfimmut atassuteqarsinnaasunik sammisaqarnermi maleruagassat atuupputtaaq.
  • Ilinniartitsineq 8:00-imiit allartittarpoq kingusinnerpaamillu 17:00-ilu unittarluni. Pisariaqartillugu qaammatip ataatsip ingerlanerani arfininngornikkut ilinniartitsisoqartassaaq. Napparsimaneq allaluunniit peqqutaalluni atuartitsinermut peqataasinnaanngikkaanni Lectio-kkut nalunaarutigineqassaaq. Atuartitsinermi peqataanginnerit tamarmik malittarisssanik unioqqutitsineruvoq.

Maleruagassat malinngikkukkit atuarfimmit anisitaassutigisinnaavatit, aserukkavillu nalingi ilinnut akiligassanngortinneqassapput.

Siunertaqartumik aningaasarsiornikkut pilersaarusiornermut  (SØK) – aammalu takornarialerinermi ilinniagaqartunut maleruagassat sukarterneqarput:

Nalinginnaasumik Campus Kujallermi siunertaqartumik aningaasarsiornikkut pilersaarusiorsinnaanermut (SØK)- aammalu takornarialerinermut ilinniarnermi maleruagassat Campus Kujallermi malinneqarput (takuuk, cak.gl: atuarfik/maleruagassat)

Takornariaqartitsiviit sulisussanut piumasaqaataat qaffasissumik inissisimasuummata, maanna atuarnermut takkutinngitsoortarnerit annertusisamik sukaterneqassapput.

Takkutinngitsoortarneq 10 % qaangersimappagu, ilinniarnermiik anisitaasinnaanermik kinguneqarsinnaavoq.

Takkutinngitsoorneq nappaammik peqquteqarsimappat nakorsamiik uppernarsaammik pissarsinikkut uppernarsarneqassaaq.

Atuartitsinerup pilersaarutaareersup iluani Campus Kujalliup avataaniissimagaani (Qaqortup avataani nunaqarfimmi/illoqarfimmi), atuartitsinermilu najuuffigisussaatitaaffimmi imalunniit arlaannik sammisassaqartitsinermut peqataasussaatitaaffiusumi peqataasimanngikkaani, ingerlaginnartumik anisitaasoqassaaq.

Avataaneersunik pikkorissartitsinerit atuartitsinermut ilaasut pinngitsooranilu najuuffiusussaasuni – assersuutigalugu Imarsiornermut pikkorissarnermut aammalu Røde Korsimiit ikiueqqaarnermut pikkorissaanerat – namminerisaminnik maleruagassaliorsinnaapput. Taakku taamatulli pikkorissartitsinerup nalaani ilinniartunut kinguneqartitsisisarnissaat atuuppoq.