Qinnuteqarfissatut killerititaq: 1/3-2023

Serviceøkonom – Takornariartitsinermi

Service, Hospitality & Tourism Management

Inuit piorsarsimassutsillu nutaat naapissallugit soqutigisarigukku, nunarsuaq misigisassarsiorfigerusukkukkulu kalaallillu takornariaqarnerat ineriatortinnissaannut peqataarusukkuit ilinniagaq ilinnut tulluarpoq. Ilinniakkap Turisme Management qitiutippaa, ilinniagarlu takornariaqarnerni – misigisanillu inuussutissarsiutini piumasaqaatinut siunissami sulilertusssanut naleqqussarnikuulluni. Ilinniagaq ilisimatusarnermi qaffasippoq nunanilu tamalaani akuerineqarnikuulluni. Suliffissat periarfissat Ilinniagaq atorfinnik amerlasuunik atorfinitsitsisinnaavoq soorlu takornarissanik sullissinermi pisortaq, ornigassanik sullissisoq, suliniutini aqutsisoq, siunnersorti, pilerisaarinermi ataqatigiissaarisoq imaluunniit saaffiginnittarfinni pisortaq. Ilinniagaq ilinniagaralugu imminut pisortagisinnaavutit. Illinniarneq Illinniagaq ukiuni marlunni affarlu sivisissuseqarpoq, marlunnilu ilinniagaqarnermut atatillugu suliffeqarfinnissaq ilaatinneqarluni, tassanilu suliffeqarfik nammineq toqqarneqassaluni. Teoriimut tunnngusanik ilinniartitsinermi takornarissanillu sullissinermi silarsuaanniit misilittakkani akornanni paarlakaajaaneqassapput. Ilinniarnerup ingerlanerani arlalinnik suliniuteqassaaq suliassaqarlunilu, taakkunanilu angusisoqassaaq, sisamariaq misilitsittoqassalluni. Faginut arlalinnut tunngasunik suliaqassaatit aamma suleqateqarsinnaassaatit. Ilinniarnermut atatillugu suliffeqarneq Ilinniagaqartut periarfissaraat ilinniarnermut atatillugu suliffimmik sineriami nunamiluunniit allami nassaassallutik. Taamaalillutit inunnit attaveqalersinnaavutit, siunissami atorfinni attaveqarfissatit. Ilinniakkap imai ● Takornariaqarneq ● nunarsuarmut attaveqaqatigiinneq ● Kattuffik aqutsinerlu ● Iliuusissaq pilerisaarinerlu ● Serviceøkonomi ● Suliffeqarfik avammullu attaveqarneq ● Inuiaqatigiilerinermi ilisimatusarnermi periaaseq ● Piujuartitsineq ● Nutaamik pilersitsineq Atuartitsineq Illinniartitsineq atuartitsinernit, klassini ilinniartitsinernit, suleqatigiikkuutaarnernit suliniutinillu suliaqarnernit ataqatigiissillugit ingerlasarpoq. Iliniartitsinerit tamaat kalaallisut suliassiissutinik naleqquttunillu ajornartorsiutinik qanoq issusiinik ingerlanneqarnissaat anguniagaraarput. Ilinniartitsisut misilittagaqarluarput, qaffasinnerusunik ilinniagaqarlutik ukiunillu amerlasuunik inuussutissarsiutikkut Kalaallit Nunaaanniit nunaniillu allaniit misilittagaqarlutik. Turisme Managementimi immikkut suliaqarneq Immikkut suliaqarnermi tulliuttut atuartitsinermi imarai: ● Takornariaqarnermut rejselivsterminologimullu ilisarititsineq. Takornariaqarnermi suliffeqarfinni ineriartorneq, takornariaqarnermi nioqqutissaq, takornariaqarnermut kattuffiit suliffeqarfiillu inuiaqatigiinni isumaa aaqqissugaalu paasilluarnerunissaannut atuartitsinneqassaatit. ● Takornariaqarnermi mutiusut. Sullitanik suliarinninnermut, inniminniinnissamut – nassiussuinermilu systeminut, inatsisinut, avatangiisinut allagartanut aammattaaq aaqqissuusinissamut isumannaassuserlu pillugit paasisaqarfigissavatit. ● Takornariaqarneq inatsisinillu ilisimatusarneq. Inatsisit malittarisassallu takornariaqarnermi suliffeqarfimmut tunngasunik paasisaqarfigissavatit. ● Takornariaqarnermi pilersaarusiorneq misissueqqissaarnerlu. Pisortat oqartussaasut takornariaqarnermi ineriartortitsinermi akisussaaffiat suuneranut, takornariaqarsinnaanernut assiginngitsut, pilersaarusioriaatsit illoqarfigisannilu takornariaqarnerup isumaaa pillugit atuartitsinermi ilisimasaqalissaatit. ● Piujuartitsineq. Piujuartitsinerup taaguutaanit takornariaqarnermi pilersaarusiornissamut paasinnilissavatit. ● Pilerisaarineq nutaanillu pilersitsineq. Pilersaarusiornissamut takornariaqarnermilu isumaqatissarsiornissanut, aammattaaq takornariaqarnernit nioqqutissaq atortorissaarutinillu ineriartortitsineq pillugu suliaqalersinnaassuutit misissueqqissaalersinnaassallutillu. Ilinniakkap serviceøkonomimi atuartitsinerit ilaat serviceøkonom-ilinniakkat tamarmik Kalaallit Nunaanni Danmarkimilu atuupput, immikkullu suliaqarnermi atuartitsinermi ilaat atuullutik. Maanna Kalaallit Nunaanni takornariaqarneq immikkut suliaqarnermi toqqarsinnaavat. Atuartitsissut nalinginnaasut ● Nunarsuarmut attaveqaqatigiinneq. Tuluttut, allamiut oqaasii 2, piorsarsimassutsimut paasinninneq sullitanillu attuumassuteqarnerit. ● Kattuffik aqutsinerlu. Sulisunut aqutsisuuneq, kattuffiup teoriia, sulisunut allaffissorneq sulisunullu ineriartortitsineq. ● Iliuusissaq pilersaarusiornerlu. Iliuusissaqarluni pilersaarusiorneq, pilersaarusiorneq, nutaamik pilersitsineq pitsaassuserlu isumannaarlugu. ● Serviceøkonomi. Aningaasaliineq, missingersuutilerineq, naatsorsuutilering, kisitsineq pitsaanerpaarlu anguniarlugu ● Suliffeqarfik avammullu attaveqarneq. Periaaseq, ileqqorissaarneq, inuussutissarsiut inuiaqatigiilerinerlu, sullissinermi teorii inuussutissarsiutimilu inatsilerineq. ● Qarasaasiakkut paasissutissat. Atorneqarsinnaanerannut periarfissat. Inissat Atuartitsinerit Campus Kujallermi Qaqortumi pissapput, tassanilu kollegieamut inissinneqassaatit, ineeqqamik tuniniqarlutit. Namminneerlutit nerisassiussaatit eqqiiaallutillu. Ilinniarnermusiaqarneq Ilinniagaq kalaallinut Danmarkimilu innuttaasunut akeqanngilaq. Tigusaassaguit ilinniarnermusiaqarsinnaatitaassaatit. Ilinniarnermusiaqarneq pillugu nittartakkami atuaruk www.usf.gl. Qinnuteqarneq Qinnuteqaatit illoqarfigisanni Majoriami pissaaq. Majoriami siunnersuisoqartarpoq inuussutissarsiutinullu ilinniakkanut Kalaallit Nunaanniittut qinnuteqaatit tamarmik tigusarpaat nalunaarsortarlugillu. Qinnuteqarnissamut piffissarititaasoq serviceøkonomimi takornariaqarneq immikkut suliaralugu inuussutissarsiutinullu ilinniakkat allat Kalaallit Nunaanni illoqarfigisanni Majoriami marsip aallaqqaataaniitsinnagu qinnuteqaatit tunniunneqariissaaq. Ulloq taanna misissorsimassagukku attaveqarfigisinnaavatsigut, paasiniarlugu suli ilinniakkami inissaqarnersoq. Paasissutissat allat nittartakkami pisinnaasatit aqqutissiuisut. Piumasaqaatit Engelsk niveau C-mi saniatigut piumasaqaatini tulliuttunit piumaffigaarput ataaseq eqquutissasoq: ● Inuussutissarsiutimi ilinniagaqarneq saqisutut imaluunniit saaffiginnittarfimmi sulisutut erhvervsøkonomi C- talik imaluunniit matematik C-talik. ● TNI-ilinniagaq pisiniarfimmi imaluunniit allaffimmi ilinniagaqarneq erhvervsøkonomi C-talik imaluunniit eller matematik C. ● Inuussutissarsiutimi ilinniagaqarneq detailhandel-imi, amerlasuunngorlugit nioqquteqarneq allaffimmi imaluunniit mamarsaakkanik nerisassortaaseriaasimi erhvervsøkonomi C-talik imaluunniit matematik C-talik. ● Inuussutissarsiutsikkut ilinniagaqarneq allaasinnaasoq erhvervsøkonomi B-talik imaluunniit matematik B-talik. ● Ilinniarnertuunngorniatut soraarummeerneq (GU, HTX aamma HHX), aammattaaq erhvervsøkonomi C-talik imaluunniit matematik C-talik. ● Ilinniagaqarneq allaasinnaasoq naleqquttoq – Niuernermik Ilinniarfimmit Qaqortumi nalilersorneqarumaarputit naleqqunnerlutit Qinnuteqartut Erhvervsøkonomi C-mi Matematik C-miluunniit piumasaqaatini amigaatillik Campus Kujallermi ilinniarnissaminnut pikkorissarlutik peqataassapput.