Issittumi takornarianik angallassisoq
Qinnuteqarfissaq kingulleq 15/11 -21.
Kalaallit nunaanni – annerusumik illoqarfinni takornarissat tikerarnerpaaffianni angallassinissamik soqutigisaqaruit tulluuttoq. Ilinniakkap siammasinnera peqqutaalluni nunani allani angallassisinnaavutittaaq, Kalaallit nunaanni takornarissat ikilineranni. Ilinniakkami oqaatsit sammineqassapput, takornariaqartitsinermik angallannermullu sammisut, isumassarsiallu nutaanerpaat takornariaqarnerup iluani nalaattarumaarpatit. Pingaartinneqarput piujuaannartitsineq, sullissineq aammalu Kalaallit Nunaata oqaluttuassartaa, piorsarsimassuseq, geologi uumasullu.
Ilinniarneq ukiup affaanik sivisussuseqarpoq, januar-imi aallartilluni maj-imilu naammassisalluni. Skema malillugu atuartitsinerup saniatigut sammineqassapput killilimmik suliaqarneq, allattariarsorluni suliassat, misileraanerillu assigiinngitsut nammineerlunilu ilisimasassarsiornerit. Ilinniagaq majimi naammassineqartussaammat, takornarissat tikerarnerulernerisa nalaanni suleriaannanngussaatit.
Tigusaanissamik piumasaqaatit
Ilinniarnissamut akuerineqarnissamut, ilaannulluunniit tiguneqarnissami, piumasaqaataavoq, makku arlaat naammassisimassagitit:
- Ilinniarnertuutut (GU, GUX, HHX, HTX, Stx, assingusumilluunniit)
- Inersimasutut naleqquttumik ilinniakkamik ingerlatsisimanissaq (VVU), Kal. Nunaanni NI-2
- Sivikitsumik nangitsiviusumik ilinniagaqarsimaneq (KVU) – Serviceøkonomuddannelsen
- TNI ilinniagaralugu, tuluttullu qaffasissusissaa C-saaq virksomhedsøkonomi-ilu.
Qulaani taaneqartut angusimanngikkaluarlugit tigusaasoqarsinnaavoq. Kisialli qinnuteqartoq taava immikkut nalilerneqassaaq, nalilerneqassalluni Ilinniarnerup piumasaqaatai naammassineqarsinnaassanersut, qulaani pineqartunut naleqquttumik ilinniagaqarsimaguit. Tigusaassagaannili qulakkeertariaqarpoq minnerpaamik tuluttut qaffasissuseq C anguneqarsimassasoq.
Naatsorsuutigineqarpoq minnerpaamik tuluttut atuarsinnaassasutit qaffasissuseq B2 malillugu Europami Oqaatsit Allattorsimaffiat naapertorlugu. Oqaatsitigut piginnaasat pisariaqartut, illit kisivit akisussaaffigissavat, ilinniarnermi killilimmik sungiusarneqartussaagassi. Qinnuteqartut piumasaqaatinik pigisaqanngitsut, tigusaanissami misilitsinneq angusiffigisariaqaqqaassavaat, tulullut piginnaasat qaffasissusaat B2 qulakkeerniarlugu pigineqartoq.
Paasiniaavigineqarsinnaasut ( Links )
Arktisk Guide 2017