Ilinniagaq nutaaq: Arktisk Adventure Guide

Qinnuteqarfissatut killerititaq: 1/3/2022.

Ilinniagaq tassaavoq ilinnut takornarissanut sullissinermi soqutigisalittut suliaqarusuttumut, qaqqakkut sivisuumik pisulluni angallassineq siunertaralugu, isumannaallisaaneq, ilisimasat /ilisimasassat, paasissutisseeriaatsit, kiffartuussineq – kiisalu pitsaasumik misigisaqartitsineq.

Ilinniarnemi ilaatigut sammissavatit, naasut, uuumasut; asimi ikiueqqaarneq (Wilddeness First Responder), sermikkut eqqaanilu angalaarneq, tuluttoorneq aamma kulturinik paasisimasaqartuunissaq.

Atuartitsineq ingerlanneqassaaq paarlakaajaattumik, iligiiaarnikkut, saqqummiussisoqartarneratigut, aalajangersimasumik sammisaqaatigaluni suliaqarnikkut aamma sumiiffik aallaavigalugu sullivimmik sungiusarnikkut. Atuartitsinerup 20 %-ia Imarsiornikkut ilinniarfik suleqatigalugu angallammik  annerpaamik 12-nnik ilaasoqarsinnaasumik angallassisinnaanermik uppernarsaammik allagartartaarnissamik  ilinniartitsinikkut.

Siunertaavoq angallassisartutut ilinniartut naammassinerminni takornarissat eqimamattakkuutaartut (annerpaamik inuit 12) kulturinik assigiinngiiaartuneersut ulluni arlalinni angallassinnaalissagaat.

 

Illinniagaq ukiup affaanik sivisussuseqarpoq, augustusimi allartilluni, decemberimilu naammassilluni. Pilersaarutaareersutut atuartitsinermi skemat malitassat saniatigut tigussaasumik sungiusarnerit  pinngortitamilu misileraanerit ingerlanneqartassapput. Qaammatit siulliit marluk avannaani ingerlanneqassapput (ukioq manna Ilulissat & Kangerlussuarmilu), naggataatigullu Kalaallit Nunaata kujataani ingerlanneqassalluni (Qaqortoq allanilu)

Ilinnialernissamut tigusaanissamut piumasaqaatit:

Issittumi Takornarissanut Angallassisartutut ilinnialernissamut tigusaanissamut imaluunniit ilinniakkanut agguluttunut ataasikkaanut piumasaqaataavoq, minnerpaamik uku  naligisaanik naammassillugu ingerlataqarsimanissaq:

  • Ilinniarnertuutut (GU, GUX, HHX, HTX, Stx, assingusumilluunniit);
  • Inersimasutut naleqquttumik ilinniakkamik ingerlatsisimanissaq (VVU), Kal. Nunaanni NI-2;
  • Sivikitsumik nangitsiviusumik ilinniagaqarsimaneq (KVU) – Kiffartuussimerni aningaasarsiornikkullu ilinniagaqarneq;
  • Inuutissarsiummik ilinniagaqarsimanissaq, soorlu TNI, allatulluunniit tuluttoornermi qaffasissuseq C angusimagaanni.
  • Qinnuteqartuni Issittumi Angallassisartutut naammassillugu ingerlassimagaanni.

Ilinniarfiup ilinnialerniarlutik qinnuteqartuniik tigusisinnaapput ilinniakkanik qulaani taaneqartuni naammassinnissimanngikkaluartunik, kisialli immikkut naliliinermi ilinniagarisimasatigut assersuunneqarsinnaasumik naammassinnissimappat, ilinniakkamut assingusumik tulluartuuppat.

Ilinniagaq timikkut eqqarsartaatsikkut nukittujunissamik piumasaqaatitaqarpoq, taamaattumik innarluutillit innorluutillilluunniit ilinniartutut tigusaanissaminnik naatsorsuuteqarsinnaanngillat.

Ilinnialernissamut akuerineqassagaanni tuluit oqaasiini qaffasissuseq C minnerpaamik piginnaasaqarfigisariaqarpoq. Naatsorsuutigineqarpoq ilinniartuusut minnerpaamik tuluit oqaasiini  Europamiut Oqaasiinik allattorsimaffianni qaffasissuseq B2 malillugu atuarsinnaasariaqaraat. Qinnuteqartut tamarmik, nalinginnaasumik piumasaqaatinut naammassinnissimannanngitsut, tigusaanissamut misilitsinneq aqqusaaqqaartariaqarpaat, tuluit oqaasinut qaffasissuseq B2 sapinnginneraat qularnaarniarlugu.

August 2022 ilinniagaq aallartinneqassaaq december 2022 tungaanut.

Majoriaq attavigiuk – qinnuteqarlutillu! Qinnuteqarnissap killigaa: 1. marts 2022.

Ukiaq 2021 – Ilinniartitaanermut pilersaarut, Arktisk Adventure Guide

Adventure Guide 2017