AFLYST – AFLYST – AFLYST

PKU-22.02 – Takornarianut guide-rineq: Qimussertitsineq

(Peqataasussat: Avannaata Kommuniani innuttaasut)

Ilulissat, 25. – 30. april 2022

Imai:

  • Angallassineq pitsaasoq
  • Angalassinerup imai – piffimmi ilisimasat, nammineq mislitsikkat atorluarneri
  • Angalassineq nuannersoq allanngorartorlu
  • Qimmeq pillugu projekti; ukiuni tuusintilinni nammineq qimminik qamutinillu atuineq
  • Qanoq oqaluttuartoqarsinnaava
  • Inuit allat kultoorianik paasisimasaqarneq
  • Sullissineq

Paasissutissanik katersineq

Nammineq misissuineq, atuakkat namminerlu misilittakkat, eqqaamasat qangarnitsat, ullumikkut kultoori.

Pikkorissarnermi periaaseq

Ataatsimut atuartitsineq, workshop-it, “on location”, suliassallu annikitsut

Oqaatsit:

Kalaallisut qallunaatullu. Tuluttut ingerlanneqartunik misileraanissamut periarfissaqarsinnaavoq.

Pikkorissaasut:

  • Aannguaq Jeremiassen, Qasigiannguit Tourism & Charter; Rie Oldenburg, Campus Kujalleq

Piumasaqaatit

Peqataasussat takornarianik suliaqarnissamut piumassuseqarluartariaqarput, ilikkarnissamullu kajumissuseqarluarlutik.

Avannaata Kommunianit peqataasunut Ilulissani najugaqanngitsunut angalanermut Ilulissanilu ineqarnermut aningaasartuutit PKU-nit akilerneqassapput.

Qinnuteqarneq

Kingusinnerpaamik 28. marts 2022 nittartagarput aqqutigalugu una toorlugu immersuiffissaq ammaruk.

Pikkorissarnermi ajunngitsorsiassat (kursusgodtgørelse)

Peqataasut ilinniagaqanngitsut pikkorissarnermi ajunngitsorsisinnaapput.

Peqataasut ilinniagallit peqataasinnaapput akeqanngitsumik, taakkuli ajunngitsorsiassaqanngillat.

Sulisitsisut / peqataasut suliffillit

Pikkorissartussaq pikkorissariaqquneqarnerup nalaani suliffeqaruni, taava Campus Kujalliup sulisitsisoq qinnuigaa pikkorissartup akissarsiani tigummiinnassagai.

Sulisitsisoq Campus Kujallermut akiligassamik nassiussisinnaavoq pikkorissarneq naammassippat. Ilisimatitsissutigineqassooq ullut peqataaffiit kisiisa akissarsissutigineqarsinnaammata.

Pikkorissarnermi suliffimmit akissarsiat tigummiinnanngikkaani ajunngitsorsiassanik pisoqarsinnaavoq.

Majoriaq / peqataasut suliffeqanngitsut, aalisartut/piniartut

Majoriaq suliffeqanngitsunut “sulisitsisutut” inissisimasinnaavoq. Taamaappat Campus Kujalliup pikkorissartup ajunngitsorsiassai Majoriamut tunniutissavai pikkorissartorlu Majoriamit ajunngitsorsiassani tigussavai. Majoriaq aamma Campus Kujalleq akunnerminni akiligassaq isumagissavaat.

Ajunngitsorsiassat ullut 14-ikkaarluni akissarsititsinermi ilaapput.

Pikkorissartut suliffeqanngitsut, pikkorissarnerullu nalaani suliffeqanngikkallarnermi pisortanit ikiorsiissutinik pisartagallit, pisartagartik tigummiinnassavaat, imaappoq ajunngitsorsiassat (kursusgodtgørelse) atuutissanngillat.

Pikkorissartoq aalisartuuguni / piniartuuguni ajunngitsorsiassaqarsinnaavoq (kursusgodtgørelse), taakku ulluni pikkorissarfiusuni isertitassaagaluanik annaasaqarnermut matussusiisussaapput.

Nammineq inuussutissarsiortut

Ajunngitsorsiassat isertitatut B-tut tunniunneqassapput. Taamaattumik pikkorssartup nammineq skat-eernissani isumagissavaa.

Ajunngitsorsiassat tunniunneqassapput pikkorissarsimasoq akiligassamik (faktura) Campus Kujallermut nassiussereerpat.

Ajunngitsorsiassap annertussusaa:

Juni 2019-imiit atuutilersut:

  • Ilinniagaqanngitsut 25-iniit akiullit: Ullormut 650 kr.
  • Ilinniagaqanngitsut 18 – 24-inut ukiullit: Ullormut 211,50 kr.