Siunnerfiusut tassaapput suliamik ilinniagaqarsimanngitsut, suliamik ilinniagaqarsimasut, inuit suliffillit aamma suliffissaaleqisut.
Suliffeqarfiit pisariaqartitaat naapertorlugit sulisut piginnaasaanik qaffassaaniarluni pikkorissarnernut ilinniaqqinnernullu angalanissamut ineqarnissamullu aningaasartuutit AMA-nit akilerneqassapput. Pikkorissarnerup ingerlanneqarneranut inerisarneranullu aningaasartuutit AMA-nit akilerneqassanngillat, taamaasilluni sulisitsisup taakkununnga aningaasartuutit pikkorissarnermut akiliuteqarnikkut akilertussaavai. Pikkorissariartussaq illoqarfigisamiit aallartariaqassaguni taava sulisitsisup ullormusiaqarneq taxa-nullu aningaasartutit akilissavai. Ulluni pikkorissarfiusuni nerisaqarnerit tamaasa AMA-mit akilerneqassapput.

AMA – 007 – Kursus Tammajuitsussarsiortunik piniartitsineq pillugu pikkorissarneq (ugguuna takuuk)

Pikkorissarnerit PKU-nit aningaasalersukkat

Ilinniarsimanngitsunut piginnaasanik qaffassaalluni pikkorissaanerit, aammattaaq suliffissaqanngitsunut.
Sullinniakkat tassaapput sulisut ilinniarsimanngitsut, piginnaasaminnik qaffatsitsinissaminut piukkunnartutut nalilerneqartut, inuiaqatigiit pisariaqartitaat kissaataallu naapertorlugit. Pikkorissarneq sapinngisamik illoqarfigisami ingerlanneqassoq, taamaasilluni angalanernut, ineqartitsinernut nerisaqartitsinernullu aningaasartuutit appasitsinniarlugit. Namminersorlutik Oqartussat ilinniartititsinermut inerisaanermullu aningaasartuutit tamaasa akilissavai, taamaasilluni sulisitsisoq pikkorissarnermut akiliuteqassanngilaq. Aamma Namminersorlutik Oqartussat angalanermut ineqarnermullu aningaasartuutit tamaasa akilissavaat allamut aallartariaqarnissaq pisariaqassappat. CAK-i pikkorissaanermi sapinngisamik illoqarfimmut pikkorissaavissamut tikinniartarpoq, taamaasilluni pikkorissartussat angalanissaat pisariaqarneq ajorluni. Pikkorissartoq suliffimminiit pikkorissarnerup nalaani akissarsiani tigummiinnarunigit, taava sulisitsisoq CAK-i akiligassamik faktura-mik nassissinnaavaa ullormut 650 kr. nalinganik. Pikkorissartoq pikkorissarnerup nalaani akissarsiani pinngikkunigit ajunngitsorsiassarsisinnaavoq aamma ullormut 650 kr. naleqartumik. Pikkorissartoq pikkorissarnerup nalaani suliffeqanngikkallarnermi ikiorsiissutinik pisartagaqaruni, taava ajunngitsorsiassanik pissanngilaq.

PKU – 21.01 Tunngaviusumik IT-lerineq – Qaqortoq (Ugguuna takuuk)

PKU – 21.02 Tunngaviusumik IT-lerineq – Nanortalik (Ugguuna takuuk)

PKU – 21.03 Tunngaviusumik IT-lerineq – Narsaq (Ugguuna takuuk)

PKU – 21.04 Guide-rineq piffimmilu paasissutissanik katersineq pillugu pikkorissarneq – Aasiaat (Ugguuna Takuuk)

PKU – 21.09 Aqutsisutut inerikkiartorneq, modul 1 – 3 ukiaq 2021, Ilulissat (Ugguuna takuuk)

PKU – 21.12 Takornarianut guide-rineq – Qaanaaq (Ugguuna takuuk)