Ineqarfiit

Email: cak.kollegiet@cak.gl / cak@cak.gl.  Telefon: 64 13 00 / 64 44 00.

Qaqortormiuunngikkuit, atuarfiup ineqarfianut inissinneqassaatit, taakkulu nutaaliaapput, atortut atorfissaqartinneqartut tamaasa pigalugit (Kollegianut qinnuteqarfissaq uani aajuk).

Kollegiat assigiinngitsut marluupput. Kollegiat nerisaqarfiusut aamma kollegiat nerisaqarnerup tungaatigut imminnut aquttut.

Kollegiat amerlanerit atuarfiup eqqaani inissisimapput. Kollegiani ilinniartooqaternik najugaqateqassaatit. Nammineq ineeraqassaatit imaluuniit najugaqateqassaatit, uffarfik igaffillu ataatsimoorunneqassapput.

Ilinniagaqartuuguit, pikkorissartuuguilluunniit, sivikinnerusumik sivisunerusumilluunniit kollegiani najugaqartussaavutit, tamannalu inuunernut ilaalluinnartussaavoq.

Ilisarisimanngisatit qanimut najugaqatigisussaavatit, taamaattumik immissinnut ataqqeqatigiittariaqarpusi.

Sammisassaqartitsineq

Kollegianut matuersaatinik katatsisimagaani

Matuersaamik nutaamik tunniussisoqarsinnaavoq ima akiliigaani:

  • Aappassaani katatsinermi: kr. 200,00

Sillimmasiineq

Tillinniarfigitissimagaani imaluunniit ikuallannerup ajoqusigaanik, nammineq pigisanulluuniit annaasaqaraani, atuarfiup annaasat taarserneq ajorpai. Angajoqqaappit sillimmasersimaneranut atuarnerpit nalaani ilaanerlutit paasiniassavat imaluunniit nammineq sillimmasiisarfik attaveqarfigiuk.

Kollegiani sulisut attaveqarfigineri

Atuartuulluni imaannaaneq ajorpoq, atuarnissami nukissanik pisariaqartitsiuartoqartarpoq. Taammaattumik kollegia tassaassooq eqqissisimaarfissaq, qasuersaarfissaq nuannisaarfissarlu. Tamanna tapersersorniarlugu kollegiani nakkutilliisoqarpoq perorsaassoqarluni, pedel-eqarluni sulisoqarlunilu allanik, taakkulu ulluinnarni kollegianut attaveqaataapput. Ulloq unnuarlu kollegiani pigaartoqartarpoq, mobil-igaat: 49 44 99.

Kollegiartunut malittarisassat

Kollegiani najugallit pisussaaffigaat kollegiani malittarisassat atuutinneqartut malinnissaat, unioqqutitsigaani kinguneqarsinnaamat kollegianit anisitaanermik. Anisitaasoqartillugu kollegiani allani inissamik tunisisoqarsinnaangilaq.

Immikkoortut ataani allassimasut unioqqutikkaani ingerlaanartumik anisitaasoqassaaq

  1. Ineqartunut allanut imaluunniit sulisumut qunusaarigaani annersaagaaniluuniit.
  2. Ikiaroornartunik pigisaqaraani, atuisuugaani tuniniaagaaniluuniit. (uani nakorsamit innersuusat pineqanngillat)
  3. Tillinniarneq sakkortuumilluunit aserorterinermi.

Immikkoortut ataani allassimasut unioqqutikkaani mianersoqqussummik tunisisoqassooq arlaleriaraanilu anisitaanermik kinguneqassooq

  1. Aserorterineq ( Taarsigassiinertalik)
  2. Silaarunnartulimmik imigassartornermi, ineqartunut sulisunullu akorngutaappat.
  3. Aallaasimik kollegiami inigisamiisitsigaani.
  4. Uumasuteqaqqusaanngilaq, qimmit qitsuit allallu.
  5. Najigaqarnermi ileqqorissaarnissamullu malittarisassanut avaqqutaarigaani, soorlu ataatsimoorlu ataatsimiinerni imal. eqqiaanerni peqataaneq ajoraani.

Aalajangersakkat nalinginnaasut

  1. Najugaqartunut allanut akorngutaangitsumik nipilersuutinik tusarnaartoqassaaq aammalu ulluinnarni (sapaamiit sisamanngornermut) kingusinnerpaamik nal. 22:30 kingorna nipiliortoqassanngilaq. Nal. 20:30 meeqqat eqqissitereersimassapput. Tallimanngornermi arfininngornermilu nal. 01:00 kingerna nipiliortoqassanngilaq.
  2. Pulaartut anereersimassapput nal. 22:30 aamma najigaqartunut ataasinnguamilluuniit tujormisitsissanngillat!
  3. Najigaqartoq inisimasoqarsinnaavoq, atuarfiusup ataatsip iluani ullut 14-it. Tukkusoqarniaraani/inisimasoqarniaraani tamanna pinngitsoorani ineqarfiup allaffianut nalunaarutigineqassooq.
  4. Pulaartut aatsaat sioqqutsisumik isimaqatigeeqqaarnikkut tukkusinnaapput.
  5. Sapaat nal 18:00 – miit tallimanngorneq nal. 17:00 tikillugu silaarunnartortalinnik imigassartoqqusaangilaq, piffissamilu tassani aama inigisani nakeqqasoqaqqusaanngilaq / aalakoortoqaqqusaanngilaq.
  6. Kollegiani illup iluani silamilu ataatsimoorfiusuni pojortarneq inerteqqutaavoq.

Kollegiani malittarisassanik unioqqutitsineq ima kinguneqartarpoq:

  1. Siullermik mianersoqqussummik tunineqaraani oqaatitigut – mik ilisarnaateqarpoq.
  2. Mianersoqqussup aappaanik tunineqaraani allakkatigut – mik ilisarnaateqarpoq.
  3. Pingajissaani tunineqaraanni kollegianit anisitaassoqartarpoq.

Kollegiat nerisaqarfiusut nerisassiortullit

Ineqarfiit nerisaqarfiusut arfineq marlut nerisassiortoqarput. Niiverniartarput, ullaakkorsiutit piareersartaarpaat, kissartunik ulloqeqqasiutissanik igasarput. Unnukkorsiutissat piareersartarpaat, torersaassarlutillu katersuuttarfinni. Sapaatip akunnerata naanerani atuartut nammineq igasarput.

Najigaqarfiit nerisassiortullinni najigallit maleruagassai

Maleruagassat nalinginnaasut saniatigut:

  1. Najigaqarfiit nerisaqarfiusut aalakoornartortalinnik imigassartorfiunngilaq
  2. Najigaqartut tamarmik pisussaaffigaat iluarsaassinissartik
  3. Najigaqartut taarseraallutik najigaqarfimmik paarsisuusarput, paarsisup akisussaaffigaa igaffik inilu ataatsimoorfiusartoq torersuunissaa.
  4. Unnuiniarlutik tukkusussat nalunaarutigineqassapput ineqartut allaffiannut. Tukkusoq ataaseq ullormut akiliissaaq 80,- kr.

Maleruagassat

18-nit inorlugit ukiullit inatsisit.

Nal. 23.00 kollegiani unnuit tamaasa sapaammiit sisamanngorneq ilanngullugu nipaarsaartoqartassaaq. Tallimanngornermi arfinngornermilu kingusinnerpaamik nal. 01.00 nipaarsaartoqartassaaq.

Kollegiani nerisarfiusuni imigassartortarneq imigassaateqartarnerlu inerteqqutaavoq, kollegianilu najugaqartut ersittumik aallakooqqusaagatik.

Tallimanngornermi arfinngornermilu nal. 01.00 tungaanut kollegiani allani immiaarartoqqusaapput viinnitoqqusaallutillu. Piffissani allani imigassartorneq inerteqqutaavoq. Imigassat sakkortuut tamarmik piffissani tamani inerteqqutaapput.

Kollegiani nakkutilliisut maleruagassat malinneqarnissaannut ikiutaapput pisussaappullu kollegiani eqqissisimanissaq nipaarsaarnissarlu.