Ilinniagaq peqqinnissamik ilisimatusarnermut sammisoq
Ilinniakkap kisitsisaa 110082
Ilinnut timimik, peqqissutsimik avatangiisinillu soqutiginnittumut. Laboratoriami misissuineq aammalu uumassusillit qanoq pissuseqarnerannik avatangiisinillu qanoq sunnerneqartarnerannik misissuineq nuannaraat. Pinngortitamik ilisimatusarnermut tunngatillugu uumassusilinnik suliaqarnissamut periarfissaqassaatit aammalu timersornermi piviusuni atuagarsorlunilu timimik paasinninnissamik suliaqassaatit.
Ilinniakkap sammivia uumassusilerinermik timersornermillu soqutigisaqarnermik piumasaqarfiuvoq.
Ilinniakkap sammivia Kalaallit Nunaanni peqqissutsimik avatangiisinillu suliaqarnermik naatsumik akunnattumillu sivisussusilimmmik ilinniarnernut isissutaasinnaavoq. Tuluttoorneq qaffasissuseq B toqqarukku Danmarkimi ingerlaqqilluni ilinniarnernut arlalinnut aamma isissutaasinnaavoq.
Ilinniarnerup ingerlaneranut sammisanullu assersuutit:
- Peqqissuseq peqqissumillu inooriaaseq suuppat?
- Timersorneq qanoq sunniisarpa?
- Aanngajaarniutinik atuineq inuup timaanut qanoq sunniuteqartarpa?
- Sooq inuit amerliartuinnartut inooriaaseq pissutigalugu nappaatinik soorlu sukkornermik type II-mik nappaateqalersarpat?