Ilinniagaq pinngortitamik ilisimatusarnermut sammisoq
Ilinniakkap kisitsisaa 110054
Ilinnut pinngortitami pisunik malunnaatilinnik paasinninnissamik soqutigisaqartumut. Laboratoriami pinngortitamik misilittaanermik qimerluuinermillu suliaqarneq nuannaraat. Pinngortitamik ilisimatusarnermut tunngatillugu kisitsineq atorlugu suliaqarnissamik pinngortitamillu ilisimatusarnermi suleriaatsit atorlugit suliaqarnissamik periarfissaqassaatit, soorlu pinngortitami suliaqarneq, laboratoriami sulineq, paasissutissanik suliaqarneq nalunaarusiornerlu.
Kisitsinermik pinngortitamillu ilisimatusarnermik assigiinngiiaartunik soqutigisaqarnissaq ilinniakkap sammiviani piumasaqaataavoq.
Ilinniakkap sammivia Kalaallit Nunaanni Danmarlimilu ingerlaqqilluni ilinniakkanut arlalinnut isissutaasinnaavoq, immaqa kisitsinermi qaffasissuseq A-mik ilallugu. Pinngortitami ilisimatusarnermik soorlu issittumi ingeniøritut, nakorsatut, ujarassiuutut, biologitut, kigutip nakorsaatut il. il. ilinniakkanut sammivoq.
Ilinniarnerup ingerlaneranut sammisanullu assersuutit:
- erngup nukinga aamma innaallagissiorneq
- peqqissuseq aamma inooriaaseq
- nukissiuutit ataavartut
- avatangiisit aamma pinngortitamik illersuineq
- pinngortitami isumalluutit, uulia aatsitassallu