Ilinniagaq oqaatsinut inulerinermullu sammisoq
Ilinniakkap sammivianik inuiaqatigiilerinermik sammisumik ilaqarnermi saniatigut qaffasissueq A-mik tuluttoorsinnaanissamik periarfissiisoq.
Ilinniakkap kisitsisaa 110073
Ilinnut attaveqaqatigiittarnermik, inunnik inuiaqatigiinnillu soqutiginnittumut. Oqaatsinik ilinniarneq nuannaraat kulturillu allat aamma paasisaqarfigerusullugit. Oqaatsinik pisinnaasavit sungiusarnissaannut ineriartortinnissaannullu periarfissaqassaatit aammalu kulturini allani kulturit, illuinnarni inooriaatsit, atuakkiat, nipilersorneq inuiaqatigiinnilu pissutsit paasisaqarfigissallugit.
Nunarsuarmi qanilliartorfiusumi Kalaallit Nunaanni nunanilu tamani inuiaqatigiinni pissutsit soqutigaatit aammalu pinngortitamik inuaqatigiinnillu ilisimatusarnermik ilinniagaqalernissannik pilersaaruteqarlutit.
Sociologiimut, politikkimut, aningaasaqarnermut, pisuussutinut avatangiisinullu tunngasuni maannakkut ajornartorsiutinik suliaqarnissamut periarfissaqassaatit.
Oqaatsinik, inuaqatigiinni ilisimatusarnermik inulerinermillu ilinniakkanik sammisunik Kalaallit Nunaanni Danmarkimilu sivisuumik akunnattumillu sivisussusilimmik ilinniarnernut tunngavoq. Qaffasissuseq A-tut tuluttut ilinniarnermik nammineq toqqaallutit ilinniarnissamut periarfissaqassaatit.
Ilinniarnerup ingerlaneranut sammisanullu assersuutit:
- Europa – nunasisunut afrikameersunut takorluugaq imaluunniit atugarliorfiusoq
- Tuluit isikkammik arsaannermi kulturiat
- London – kulturit naapiffiat kulturillu aporaaffiat
- Qalasersuup eqqaani oqartussaaneq pillugu akerleriinneq
- Kalaallit nunaanni nunarsuullu sinnerani pissaaneqarniarluni politikki
- Aningaasaqarnermi inuttullu atukkatigut assigiinngissutsit