Ilinniakkap sammivia tamatigoortoq

Ilinniakkap sammivianik nutaanik pilersitsisinnaanermik sammisumik ilaqartoq

Ilinniakkap kisitsisaa 110023

Ilinnut assersuutigalugu tuluttoornermut kisitsinermullu piffissamik annertunerusumik atuerusuttumut – immaqa ilinniakkat ilaat malinnaaviginissaat ajornartorsiutigigakku. Aamma ilinnut nutaanik pilersitsisinnaanermik pisinnaasavit ineriartortinnissaannut soqutigisaqartumut, timersornermik aalanermillu soqutigisaqartumut aammalu pinngortitamik ilisimatusarnermik annertunerusumik paasisaqarusuttumut.

Ilinniakkap sammivia Kalaallit Nunaanni Danmarkimilu sivikitsumik akunnattumillu sivisussusilinnut ilinniarnernut isissutaasinnaavoq, kisiannili Danmarkimi sivisuumik ingerlaqqilluni ilinniarnissaq kissaatigigukku ilinniakkat ilaannik qaffasinnerusunik ilinniaqqinnissat piareersimaffigissavat.