TNI

Tunngaviusumik niuernermik ilinniarneq

TNI tassaavoq ukiuni sisamani ilinniarneq nikerartoq, tassa ilinniarnermi nikerartumk qitiusumik atuarfimmiinneq Campus Kujalleq Qaqortoq imaluunniit Niuernermik Ilinniarfik Nuuk  ilinniarnermullu atatillugu suliffimmiinneq. Naliginnaasumik 1.august aallartittarpoq ilinniarnerli piffissami allami aallartinneqarsinnaavoq illit nammineq suliffeqarfiullu ilinniarfigisassap ajorinngippagu.

Ilinniartitaanerup aaqqissugaanera imaalu

Ilinniarnerup ingerlanerani sulilluni sungiusarnerit ilinniarfimmiinnerillu sinnerseraatsinneqassapput. Ilinniartuuffimmi ilinniarnissaq piffissanut arfineq pingasunut immikkoortitaagaavoq (sap.ak.130-it sulinngiffeqarnissaq ilanngullugu) aamma ilinniarfimmiittarnissat arfineq marlunnut immikkoortitaagaallutik (sap.ak. 77-it). Ilinniarfimmiinnissat sisamat siulliit Campus Kujalleq Qaqortumi imaluunniit Niuernermik Ilinniarfik Nuuk-mi ingerlanneqartassapput. Ilinniarfinniinnissalli kingulliit pingasut tamatigut Campus Kujalleq Qaqortumi imaluunniit Niuernermik Ilinniarfimmi Nuummi ingerlanneqartassallutik.

Ilinniartitaaneq aallarnerneqartassaaq Najukkami Inuussutissarsiutinut Ilinniarfimmi sumiiffigisami sapaatit akunnerini 2 – 4-ni aallarnisaatitut paasissutissiivigineqarnermik. Aallarnisaatitut paasissutissiivigineqarneq pinngitsoorani ilaaffigisassaavoq augustillu aallaqqaataani aallarnerajuttarluni.

Ilinniarfinniinnerni atuartitsissutigineqartassapput tunngaviusumik ilinniagassat, ilinniagassat sammivinnut assigiinngitsunut tunngatitaasut, nammineq toqqarlugit ilinniagassat kiisalu sammivigalugu ilinniarniakkamut ilinniagassat.

Tunngaviusumik ilinniagassat inuussutissarsiutinik tunngaviusumik ilinniartitaanernut tamanut ataatsimoorussassaapput. TNI-mi atuartitsissutissaatitaapput tunngaviusumik ilinniagassat tassaasut kalaallisoorneq, qallunaatoorneq, tuluttoorneq, inuussutissarsiutit aningaasaqarnerat, inuiaqatigiilerineq, IT/EDB aamma tuniniaaneq/sullissineq. Ilinniagassat sammivinnut tunngatitaasut taamaallaat TNI-mi ilinniarnernut tunngasuupput tassaallutillu studieteknik, psykologi/sullissineq, allagarsiissutit / allagartassaliorneq, logistik, avatangiisit/nukissat, aallarnisaaneq, aningaasalersuineq, ingerlatsineq, avatangiisit/isumalluutit, pilersitsineq, ingerlatsineq, kulturimik paasinninneq aamma silarsuarmioqatigiit niueqatigiinnerat.

Sammivimmi ilinniakkat tassaapput ilinniagassat ilinniagassatut toqqarsimasap sulillunilu sungiusagarisap toqqartumik isumannaarsiviginiarneqarnera.

Allaffissornermut sammivigalugit ilinniagassani sammisassaapput: Allaffissornikkut aqutsineq, nammineerluni pilersaarusiorsinnaaneq, paasissutissiisarnermi sakkutut ikkusimalersimasut, paasissutissarsiortarneq paasissutissanillu suliarinnittarneq, saqqummiinermi periusissat,pisortat aningaasaqarnerat inatsisitigullu tunngavissat kiisalu sakkussat aammalu suliassanik suliarinnittarneq.

Pisiniarfimmi sulisussatut ilinniarnermi ilinniagassat sammivimmut tunngassutillit makku qulaani taaneqareersut saniatigut sammineqartarput: Niuffannilerineq aammalu Takussaasunik pilersaarusiorneq. Pisiniarfimmiunngorniarnut sammivimmut ilinniakkat makku sammineqartarput: Pisinartoqarnera, Nioqqutissaqarnera, Paasissutissaqarnera, Aningaasaqarneralu. Taakkualu saniatigut aamma nioqqutissanut tunngassutillit makku sammineqartarlutik: Nioqqutissat panertut (qajuusat/aqerlortikkat il.il.), immiaaqqat/imeq /tunguarnitsut/paarnat isserat, Iffiat/kaagit, Nillataartitat/qerisut/immummik sanaat, paarnat/ naatitat, Errorsineq/eqqiaaneq, Sulisunik isumaginninneq, Vin/imigassat/tupat, Atortussaarniarfimmiittut, Radio/TV atisaarniarfillu.

Ilinniaqqinnissamut qaffassarnissamut periarfissat Merkonom

Ilinniaqqinneq Ammaassisoq

Tigussaasumik paasissutissat

Ilinniartuuffissamut isumaqatigiissut / ilinniartuunissamut isumaqatigiissut tunngavigalugu ukiup ingerlanerani sukkulluunniit ilinniarneq aallarnerneqarsinnaavoq. Ilinniarfimmiittarnissat aalajan-gersimasuummata augustusip aallaqqaataaniunngitsoq aallartinnerit tamarmik ilinniarnerup sivitsorneqartarnissaanik kinguneqarajussinnaapput.

TNI-Basisår ilinniakkap ingerlanneqarnera

Campus Kujalleq Qaqortumi aammalu Niuernermik Ilinniarfik Nuummi misiliutitut neqeroorutigineqarpoq ilinniagaq nutaaq TNI-Basis (Niuernermik ilinniarfimmi tungaviusumik ilinniagaq).

TNI-Basisår nutaartaraa aallartikkaangamik ukioq ataaseq atuarfimmiittoqaqqaartarami kingornalu ukioq ataaseq praktikkertoqartarluni. Tamassumalu kingorna ukiut sinneruttut marluk ilinniarfiusoq pingasoriarluni ilinniarfimmiittoqassaaq kiisalu pingasoriarluni praktikkertoqassaluni.

Pisariaqanngilaq praktikkerfissamik nassaareersimanissat ilinniarfissat aallartitsinnagu.

Tassa imaappoq, periarfissaqarputit paasissallugu ilinniakkap qanoq imaqarnera pisiniarfimmiutut imaluunniit allaffissornermik ingerlaqqitsinnak.

TNI-Basisår ilinniagaq ilinnut naleqqussarlugu aaqqissugaavoq 10. klassimit aneqqammersimasutut kiisalu inuutissarsiornermi ilinniakkamik aallartitserusuttumut, kisianni sorleq suli ingerlaqqiffissatut nalornikusoorfigalugu.

TNI-Basisår imatut imaqarpoq

TNI-mi ilinniakkami ingerlatsinermik annertuumik tamakkiisumik paasisitsiilluni ilinniartitsinissaq pingaartinneqartorujuuvoq, tassani ingerlanermi aalajangeeqataallutillu akisussaaqataavutit.

Ilinniakkami pinngitsoorani makkunannga ilinniartitsisoqartussaavoq: Inuutissarsiutigalugu aningaasarsiorneq, Tuniniaaneq kiffartuussinerlu, IT, Samfundslære, Dansk og grønlandsk, Engelsk.

Praktikkerfissat

TNI-mi ilinniarniaraanni praktikkerfissat amerlasuujupput, soorlu uku taaneqarsinnaapput, illit kommunigisat kiisalu Namminersornerullutik Oqartussat. Aamma ukuusinnaapput Royal Greenland A/S, TELE-POST, Nukissiorfiit, atisaarniarfiit osv.

Ukioq ataaseq ilinniareeruit aatsaat praktikkerfissannik nassaassaatit. Ilinniarfimmiinninni praktikkerfissannik isumassarsitinneqassaatit, kiisalu sungiusarneqassaatit allannissamut suliffimmut qinnuteqarnissamut.

TNI Basisår kingorna ingerlaqqiffiusut periarfissat allat

TNI Basisår kingorna ukiuni pingasuni nikittaattumik ilinniarneq ingerlaqqissaaq, tassani ilinniarfimmiinnerit praktikkernerillu nunatta iluani imaluunniit Danmark-imi, apeqqutaatillugu ingerlaqqiffiusoq sorleq qinerneqarnersoq. Ukununnga ingerlaqqiffiusunut toqqaasinnaavutit assersuutigalugu: TNI-mik ilinniarneq allaffissornermik sammivilik, Pisiniarfissornermik ilinniarneq ulluinnarni nioqqutissanik tuniniaanermik sammivilik.Kiisalu ingerlaqqiffiusut allat soorlu, nakorsat allattaat, eqqartuussisuserisut allattaat, atortunik isumaginnittut il. Il.

Attaveqarfigisinnaasat

Campus Kujalleq Qaqortoq

Niuernermik Ilinniarfik, Nuuk