Issittumi takornarianik angallassisutut ilinniartut 2020 ippassaq NI Qaqortumi soraarummeerput – Ilinniarnertik soraarummeernertillu nalinginnaasumiik allaanerusumik ingerlatereerlugu – peqataasut amerlanngitsut imminnut qanillivallaaratik, soraarummerneq oqalugiarnertalik sineriammiillu qanigisanit malinnaavigineqartoq ingerlanneqarpoq.

Naak piffissaq unammillernartoq aqqusaaraluarlugu ilinniartut ilisimasaqarluarput, nuannersumik tunniusimapput aammalu pissutsinut nutaanut pulanissaminnut piareersimallutik, soorlu forstanderip Henrik Ebbe Nielsen’ip erseqqissumik soraarummeernermi oqalugiaatimini oqaatigigaa: ”Ilinniartuutigalusi nuannersimaqaaq, nalunngilarpullu takornarissat puigunaatsumik misigisaqartinnissaannut tamassi piareersimasusi. Aqqutit suulluunniit ingerlaffigigaluarussigit takoreerparput inuusuttutsialaasusi, nunatsinnut aammalu nunatsinni takornarialerinerup silarsuaani ajunngitsumik sunniuteqarluarumaartussat”.

Categories: Nyheder