AMA-005 – Hospitality / Inoroorsaarneq

Ilulissat 25. – 27. maj 2022

(Pikkorissarneq kalaallisut ingerlanneqassooq)

(Kingusinnerpaamik nalunaarfissaq 25. april)

Kikkulluunniit kiffartuussinermik suliallit uani pikkorissarnermi peqataasinnaapput. Pitsaasumik kiffartuusineq pingaaruteqaqaaq. Sullitat tassaasinnaapput takornarissat, suleqatit nunaqqatillu.

Sammineqartussat:

  • Inuppalaarneq (Hospitality)
  • Suliffimmi/Suleqatigiinni pissuserissaarneq
  • Neriulluarniarneq
  • Paasiniaajuarneq
  • Inuup allap inissisimaffianut inississinnaaneq
  • Innarligassaannginneq

Peqataasussat

Kalaallit Nunaaneersut kikkulluunniit.

Pikkorissarnermut akiliutissaq

3.500 kr. peqataasoq ataaseq. Peqataaniarluni nalunaareernermi akiligassamik nassitsinneq pissaaq.

Periaaseq

Ilitsersuisoq saqqummiissassaaq aammalu nammineq suliaqarnikkut sungiusarnerit amerlasuut. 

Pikkorissaanermi piffissaq sumiiffissarlu

Pikkorissaaneq Hotel Ilulissani ingerlanneqassooq ulluni 25. – 27. maj 2022 nal. 8.00 – 16.00

Peqataaniarnermi nalunaarfissaq kingullerpaaq

25. april 2022 Una toorlugu qinnuteqarit..

Angalanermut ineqarnermullu aningaasartuutit

Pikkorissartussat Ilulissat avataaneerunik angalanerat, ineqarnerat nerisaqarnerallu AMA-nit akilerneqarsinnaapput.

Taamaatitsineq

Peqataaniarluni nalunaareernermi taamaatitsiniarmi makku atuupput:

  • Pikkorissarnissaq sapaatit akunnerit sisamat sioqqullugit taamaatitsiinnarluni nalunaaraani pikkorissarnissamut akiliuteqartoqassangilaq
  • Pikkorissarnissaq sapaatit akunnerit pingasut sioqqullugit taamaatitsiinnarluni nalunaaraani pikkorissarnissamut akiliutigineqartussap 75%-ia akileqquneqassooq.
  • Pikkorissarnissaq sapaatit akunnerit marluk sioqqullugit taamaatitsiinnarluni nalunaaraani pikkorissarnissamut akiliut tamaat akileqquneqassooq.

 

Taamaatitsiinnarnermi angalanermut ineqarnissamullu aningaasartuutit

CAK-ip pikkorissartussanut illoqarfinnit allaneersunut angalanissamut billetsit allanngortissinnaanngitsut pisiarisarpai, taamaattumik pisiarereersimagaanngatsigit atortussaajunnaarlugillu sulisitsisunut akiligassap ingerlatittariaqarsinnaavarput billetsilerivimmiit utertinneqarnissaat ajornartinneqassappata.