DanishGreenlandic



Slide background

Siunnersorneqarneq

Siunnersuisartumit naatsorsuutigisinnaavat ukunani ikiorneqarsinnaallutit:

  • Ilinniaqqinnissamik suliffimmilluunniit toqqaaniarneq.
  • Ilinniarnermi, inuttulluunniit ajornartorsiutit qaangerniarnerini.
  • Ilinniakkap maangaannaq kipinerani, siunnersorneqarneq.
  • Atuarfimmi ilinniarneqarsinnaasut pillugit paasitinneqarneq.

Angerlarserneq

Qaqortormiuunngikkuit, ilaquttatit, ikinngutitit, sungiusimasatillu tamaasa qimallugit, ilinniagaqariartorlutit aallartariaqassaatit.

Taamatut aalajangerneq annertuvoq, illoqarfimmilu sungiusimanngisami ukiut pingasut sivisoorsuartut takorloorneqarsinnaapput. Piffissarli takorluukkamit sukkanerujussuarmik ingerlasarpoq. Soorunalimi atuaqaternik, najugaqaternik illoqarfimminngaanneersunillu ikinngutitaassaatit.

Taamaattorli amerlanerpaat angerlarsiummernermik nalaataqartarput, ilaquttanik, aapparisamik, ikinngutinilluunniit maqaasiummerneq takkukkaangat. Piffissap atuarnerup ilaani tunniutiinnaqqajaaneq pilersarpoq ilinniagassaqarpallaarneq, atuagarsornikkulluunniit artorsarneq peqqutaanerullutik.

Taava ilinniartooqqatimik, ilinniartitsisumik, siunnersortimilluunniit oqaloqateqarneq iluaqutaassaaq. Pisut assigiinngitsut eqqartorlugit toqqissiallannartarpoq. Oqaloqateqarnissamik pisariaqartitsiguit, tunuarsimaarutigissanngilat. Ilatit aamma taamatut misigisimasinnaapput. Inuusuttunut siunnersorti pisariaqartitsinikkut aamma attavigineqarsinnaavoq. Sianerfigineqarsinnaavoq imaluunniit mailikkut attavigineqarsinnaavoq, naapinnissamut isumaqatigiillusi.