DanishGreenlandic



Slide background

Issittumi takornarianik angallassisoq

Kalaallit nunaanni – annerusumik illoqarfinni. takornariat tikerarnerpaaffianni angallassinissamik soqutigisaqaruit tulluuttoq. Ilinniakkap siammasinnera peqqutaalluni nunani allani angallassisinnaavutittaaq, Kalaallit nunaanni takornariat ikilinerani. Ilinniakkami oqaatsit sammineqassapput, takornariaqartitsinermik angallannermillu sammisut, isumassarsiallu nutaanerpaat takornariaqarnerup iluani nalaattarumaarpatit. Pingaartinneqarput piujuaannartitsineq, sullissineq aammalu Kalaallit nunaata oqaluttuassartaa, piorsarsimassuseq, geologi uumasullu.

Ilinniagaq ukiup affaanik sivisussuseqarpoq, januarimi aallartillugu majimilu naammassillugu. Skema malillugu atuartitsinerup saniatigut sammineqassapputtaaq, killilimmik suliaqarneq, allattariarsorluni suliassat, misileraanerit assigiinngitsut, nammineerlunilu ilisimasassarsiornerillu. Ilinniagaq majimi naammassineqartussaammat, takornariat tikerarnerulerpata suleriaannanngussaatit.

Tigusaanissamik piumasaqaatit

Ilinniakkamut, ilaanulluunniit tiguneqarnissami piumasaqaataavoq, makku arlaat naammassisimassagit:

  • Ilinniarnertuutut (GU, GUX, HHX, HTX, Stx, assingusumilluunniit)
  • Inersimasutut naleqquttumik ilinniakkamik ingerlatsisimanissaq (VVU), Kal. nunaanni NI-2
  • Sivikitsumik nangitsiviusumik ilinniagaqarsimaneq (KVU) – Serviceøkonomuddannelsen
  • TNI ilinniagaralugu, tuluttullu qaffasissusaa C virksomhedsøkonomiilu.

Qulaani taaneqartut angusimanngikkaluarlugit tigusaasoqarsinnaavoq – taaq. Kisialli immikkut nalilerneqarluni, naatsorsuutigigaanni ilinniagaqarsimanissat, qulaani pineqartunut naleqquttumik ilinniagaqarsimaguit. Tigusaassagaannili qulakkeertariaqarpoq minnerpaamik qaffasissuseq C tuluttut anguneqarsimassasoq.

Naatsorsuutigineqarpoq minnerpaamik tuluttut atuarsinnaassasutit qaffasissuseq B2 malillugu Europami Oqaatsit Allattorsimaffiat naapertorlugu. Oqaatsitigut piginnaasat pisariaqartut, illit kisivit akisussaaffigissavat, ilinniarnermi killilimmik sungiusarneqartussaagassi. Qinnuteqartut piumasaqaatinik pigisaqanngitsut, tigusaanissami misilitsinneq angusiffigisariaqaqqaassavaat, tulullut piginnaasat qaffasissusaat B2 qulakkeerniarlugu pigineqartoq.

 

Arktisk Guide 2017