DanishGreenlandic



Slide background

Ilinniagaq nutaaq: Arktisk Adventure Guide

OLYMPUS DIGITAL CAMERA

Qinnuteqarfissaq kingulleq: 15. april 2017

Takornariat sivisuumik asimi angallakkusukkukkit ilinniagaq illinnut tulluartoq, pingaartillugit isumannaallisaaneq, ilisimasaqarneq, paasissutissiineq sullissineq – nuannersumillu misigisaqartitsinissaq.

Ilinniaarninni ilaatigut sammissavatit naasut uumasullu; nuna naggorissarneqarnikoq, angallassinermi periutsit, asimi ikiueqqaarneq (Wilderness First Responder), sermikkut angalaarneq, tuluttoorneq kulturimillu paasinnittariaaseq.

Atuartitsineq ilaatigut eqimattaalluni, saqqummiussiinermik, suleqatigiinnermik, piviusunillu misileraanermik ”on location (piffinni pisuni) ingerlanneqartassaaq. Atuartitsinerit 20 % – iat imarsiunermik ilinniarfik suleqatigalugu ingerlanneqassaaq, umiatsiami annerpaamik aqqaneq marlunnik ilaasoqarluni angallassisinnaaneq anguniarlugu allagartartaartitsinermik.

Siunertaavoq angalassinermi ilinniartoq inuiaat assigiinngitsunik takornarianik (annerpaamik 12) angallassisinnaalernissaa, ulluni arlalinni.

Ukiup affaata missaanik illinniagaq sivisussuseqarpoq, aallartilluni augustimi, naammassilugu decemberimi. Skema malillugu atuarnerup saniatigut pinngortitami misileraanerit ingerlanneqartassapput. Qaammatit siulliit marluk avannaani ingerlanneqartarput (ukioq manna Ilulissat & Kangerlussuaq), naggataanilu kujataani ingerlanneqassalluni (Qaqortoq il. il.)

Tigusaanissamik piumasaqaatit:

Tiguneqarnissamik, ilinniakkamut Arktisk Adventure Guide – imut imaluunniit ilinniakkap ilaanut, piumasaqaataavoq makku minnerpaamik naligisaanik naammassillugu ingerlataqarsimanissaq:

  • Ilinniarnertuutut (GU, GUX, HHX, HTX, Stx, assingusumilluunniit);
  • Inersimasutut naleqquttumik ilinniakkamik ingerlatsisimanissaq (VVU), Kal. nunaanni NI-2
  • Sivikitsumik nangitsiviusumik ilinniagaqarsimaneq (KVU) – Serviceøkonomuddannelsen;
  • Tunngaviusumik ilinniagaqarsimanissaq, soorlu TNI, allamilluunniit tuluttut qaffasissuseq C angusimagaanni.
  • Arktisk Guide naammassillugu ingerlassimagaanni.

Ilinniarfiup tigusinnaavaattaaq qinnuteqartoq ilinniakkanik qulaani taaneqartuni naammassinnissimanngikkaluanik, kisialli immikkut nalilerneqarnermi ilinniagarisimasatut assersuunneqarsinnaasunik nalilerneqaraanni tulluussinnaasumik ilinniagaqarsimagaanni.

Ilinniagaq pisariaqartitsivoq timikkut eqqarsartaatsikkut nukittunissaq, taamaattumik innarluutillit innorluutillilluunniit tigusaanissamik naatsorsuuteqarsinnaanngillat.

Tigusaassagaanni tuluttut piginnaasat qaffasissusissaat C pigisariaqarpoq.

Ilinniagaqarneq timikkut eqqarsariartaatsikkullu mersernarsinnaavoq, taamaattumillu timimikkut eqqarsarsinnaanermikkullu innorluutillit ilinniagaqarnissamut akuerineqarsinnaanngillat.

Ilinniagaqarnissamut akuerineqassagaanni tuluit oqaasiini killiffik C minnerpaamik piginnaasarisariaqarpoq. Naatsorsuutigineqarpoq ilinniartuusut minnerpaamik tuluit oqaasiini killiffik B2 atuarsinnaasariaqaraat, Europami Oqaatsit Allattorsimaffiat naapertorlugu. Qinnuteqartut tamarmik, nalinginnaasumik piumasaqaatinik pigisaqanngitsut, misilitsinneq aqqusaaqqaartariaqarpaat, qulakkeerniarlugu killiffik B2 sapersaatigineqanngitsoq.

August 2017 ilinniagaq aallartinneqassaaq december 2017 tungaanut.

Majoriaq attavigiuk – qinnuteqarlutillu! Qinnuteqarnissap killigaa: 15. April 2017