DanishGreenlandic



Slide background

Qinnuteqarnissamut piumasaqaatit

Ilinniarnertuunngorniarfimmut ilinnialernialerusullutit qinnuteqarniaruit 10. klassimi killiffimmi karakterini, suliniummik suliaqarnermi inaarutaasumillu pinngitsoorani misilitsiffiusussani tamani minnerpaamik karakteri E angusimassavat. Tamanna naammassigukku atualernissannut inatsisitigut piginnaatitaavutit. Aammattaaq ilinniartut immikkut akuerineqarnikkut aallartissinnaapput, taamaattorli ilinniagaqalernissamik qulakkeerinniffigineqaratik.

Periarfissaq kingulleq tassaavoq ilinniagaqalernissamut misilitsinnikkut ilinniagaqarnermik aallartinneq. Taanna meeqqat atuarfianni naammassereernerup kingorna siusinnerpaamik upernaakkut ingerlanneqassaaq.

Ilinnialernissamut tunngatillugu maleruaqqusaasut pillugit annertunerusumik paasisaqarusukkuit ilinnialernissamut piumasaqaatit atuarnissaat innersuussutigineqarpoq.

Qinnuteqarnissamut ullorititaq kingulleq tassaavoq martsip aallaqqaataa. Qinnuteqarneq illoqarfigisanni Piareersarfik Danmarkimiluunniit kalaallit illuat aqqutigalugu ingerlanneqassaaq.